दैलेखका युवकको आत्महत्यापछि कोरोना संक्रमण शव गाडियो

मेगा खबर संवाददाता

१२, आषाढ २०७७

2.3K

दैलेखका युवकको आत्महत्यापछि कोरोना संक्रमण शव गाडियो

दैलेखका एक युवकको आत्महत्यापछि कोरोना संक्रमण पुष्टि भएको छ।

भारतबाट १ महिनाअघि आएका ती २१ वर्षीय युवकले मंगलबार आत्महत्या गरेका नगरपलिका प्रमुख धनश्याम भण्डारीले बताए।

बुधबार बिहान उनको शव दुल्लु अस्पताल दैलेख ल्याइएको थियो। सोही दिन स्वाब संकलन गरी कोरोना परीक्षण गर्न सुर्खेत पठाइएको थियो।

‘आज उनको कोरोना रिपोर्ट पोजेटिभ आएको हो,’ उनले भने।

भारतबाट आएका दैलेख दुल्लु नगरपालिका- १० का ती युवक १४ दिन दुल्लु नगरपालिकामा बनाइएको ज्वाला मावि क्वारेन्टिन बसेका थिए।

आरडिटी परीक्षण गर्दा रिपोर्ट नेगेटिभ आएपछि उनलाई घर पठाइएको थियो।

उनले किन आत्महत्या गरे?यसबारे आफूलाई जानकारी नआएको उनले बताए।

नेपाली सेनाको सहयोगमा उनको शव गाडिएको दुल्लु नगरपालिकाका मेयर घनश्याम भण्डारीले जानकारी दिए।

योसँगै कर्णाली प्रदेशमा कोरोना संक्रमणबाट मृत्यु हुनेको संख्या ६ पुगेको छ।

शुक्रवार, आषाढ १२ २०७७०३:३९:२१

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।