लाइफ भिजन सहकारीको १७औँ वार्षिक साधारणसभा सम्पन्न

मेगा खबर संवाददाता

१५, कार्तिक २०८३

586

लाइफ भिजन सहकारीको १७औँ वार्षिक साधारणसभा सम्पन्न

काठमाडौं, लाइफ भिजन बचत तथा ऋण सहकारी संस्था लिमिटेडको १७औँ वार्षिक साधारणसभा शनिबार काठमाडौंको कपनस्थित प्रगति चोकमा सम्पन्न भएको छ ।

संस्थाका अध्यक्ष छविराम आचार्यको अध्यक्षतामा सम्पन्न सभामा बुढानीलकण्ठ नगरपालिका- १२ का वडा अध्यक्ष शम्भुप्रसाद भट्टराई प्रमुख अतिथिका रूपमा सहभागी थिए । सभामा संस्थाका सेयर सदस्यहरूको उपस्थिति रहेको थियो ।

कार्यक्रममा प्रमुख अतिथि भट्टराईले संस्थाको प्रगति विवरण तथा प्रतिवेदनको प्रशंसा गर्दै लाइफ भिजन सहकारी बुढानीलकण्ठ क्षेत्रकै उत्कृष्ट सहकारीका रूपमा स्थापित भएको बताए । प्रतिवेदनको अध्ययनबाट संस्थाको वित्तीय तथा संस्थागत प्रगति सकारात्मक देखिएको उल्लेख गर्दै उनले यसलाई काठमाडौंकै उत्कृष्ट सहकारीमध्ये एकका रूपमा विकास गर्न सकिने धारणा व्यक्त गरे ।

उनले सहकारीको संस्थागत विकास,पारदर्शिता र निरन्तर प्रगतिका लागि आफ्नो साथ र सहयोग रहने प्रतिबद्धतासमेत व्यक्त गरे । साधारणसभामा संस्थाको समग्र अवस्था,हालसम्मका गतिविधि तथा आगामी योजनाका विषयमा छलफल भएको थियो । संस्थाका अध्यक्ष आचार्यको सभापतित्वमा सम्पन्न कार्यक्रमको सञ्चालन शिवनारायण पौडेलले गरेका थिए

सभामा सहभागी सदस्य तथा अतिथिहरूले संस्थाको आगामी यात्रा थप सफल र उपलब्धिमूलक बन्ने विश्वास व्यक्त गर्दै १७औँ वार्षिक साधारणसभा समापन गरेका थिए ।

शनिवार, कार्तिक १५ २०८३०५:५८:०२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।