२४ घण्टामा ६४३ चालक ट्राफिक प्रहरीको फन्दामा, तीव्र गतिमा चलाउने १०३

मेगा खबर संवाददाता

१२, कार्तिक २०८३

436

२४ घण्टामा ६४३ चालक ट्राफिक प्रहरीको फन्दामा, तीव्र गतिमा चलाउने १०३

काठमाडौँ उपत्यकामा ट्राफिक नियम मिच्ने ६४३ जना सवारीचालक पछिल्लो २४ घण्टामा कारबाहीमा परेका छन् । ट्राफिक प्रहरीको नियमित तथा विशेष जाँचका क्रममा उनीहरू कारबाहीमा परेका हुन् ।

काठमाडौँ उपत्यका ट्राफिक प्रहरी कार्यालयका अनुसार कारबाहीमा पर्नेमा तीव्र गतिमा सवारी चलाउने १०३ जना, मादक पदार्थ सेवन गरी सवारी चलाउने ६८ जना र सिसिटिभी निगरानीबाट पहिचान भएका ४० जना छन् ।

त्यस्तै, ट्राफिक बत्ती उल्लङ्घन गर्ने ३४ जना,निषेधित क्षेत्रमा हर्न बजाउने नौ जना,एकतर्फी सडकमा नियमविपरीत चलाउने आठ जना र सवारीसाधनको अवस्था ठीक नभएका आठ जना कारबाहीमा परेका छन् । अन्य नियम उल्लङ्घन गर्ने ३७३ जनालाई पनि कारबाही गरिएको प्रहरीले जनाएको छ ।

ट्राफिक प्रहरीका प्रवक्ता एवं प्रहरी उपरीक्षक नरेशराज सुवेदीले कारबाहीको उद्देश्य जरिवाना असुल गर्नु मात्र नभई सडक दुर्घटना न्यूनीकरण र सुरक्षित यात्रा सुनिश्चित गर्नु रहेको बताए ।

प्रहरीले तीव्र गति, मापसे र ट्राफिक सङ्केतको बेवास्ता दुर्घटनाका प्रमुख जोखिम भएकाले नियम पालना गर्न सबै सवारीचालकलाई आग्रह गरेको छ ।

बुधवार, कार्तिक १२ २०८३०९:२४:५५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।