कृषि फर्मलाई ६१ लाखकाे मेशिनरी औजार हस्तान्तरण

मेगा खबर संवाददाता

१२, आषाढ २०७७

2.5K

कृषि फर्मलाई ६१ लाखकाे मेशिनरी औजार हस्तान्तरण

प्रधानमन्त्री कृषि आधुनिकिकरण परियोजना कार्यान्वयन इकाई चितवनले कष्टम हाईरिङ्ग सेन्टर स्थापनाका लागि मेशिनरी औजार हस्तान्तरण गरेको छ । परियोजनामा सुचिकृत किसानलाई ५० प्रतिशत अनुदानमा ५ वटा ट्याक्टर तथा मेसिनरी औजार वितरण गरेको हो ।

आर्थिक २०७६/०७७ को वार्षिक स्वीकृत कार्यक्रम अन्तर्गत सहकारी समशूह, कृषक समूह तथा कृषि फर्मलाई ६१ लाख रुपैयाँ बराबरका ट्याक्टर तथा मेसिनरी औजार वितरण गरेको प्रधानमन्त्री कृषि आधुनिकिकरण परियोजनाले जानकारी दिएको छ ।

कालिका नगरपालिकामा रहेको कुमार केरा बगान, रत्ननगर नगरपालिकामा रहेको सफल केरा फर्म, साना किसान कृषि सहकारी बछ्यौली, ग्रीन भ्याली एग्रिकल्चर फर्म र रेग्मी तरकारी फर्म भरतपुरलाई ट्याक्टर वितरण गरिएको प्रधानमन्त्री कृषि आधुनिकरण परियोजना कार्यान्वयन इकाई चितवनका कृषि अधिकृत इन्द्र शर्मा ढुंगानाले जानकारी दिनुभयो ।

कार्यालयले वितरवण गरेको ट्याक्टर तथा मेसिनरी औजारबाट जिल्लाका १ हजार भन्दा बढी किसान लाभान्वित हुने अनुमान गरिएको बताइएकाे छ । कम्तिमा ७० बिगाहासम्म खेति गर्ने कृषक समूह, सहकारी तथा फर्महरुलाई ट्याक्टर तथा मेसिनरी औजार वितरण गरिएको परियोजनाका प्रमुख मेघनाथ तिमिल्सिनाले जानकारी दिनुभयो।

शुक्रवार, आषाढ १२ २०७७०३:३०:४५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।