संक्रमितको शव गाड्न खोज्दा पोखरामा तनाव, झडपमा एक दर्जन बढी घाइते

मेगा खबर संवाददाता

११, आषाढ २०७७

1.6K

संक्रमितको शव गाड्न खोज्दा पोखरामा तनाव, झडपमा एक दर्जन बढी घाइते

पोखरामा मृत्यु भएका कोरोना भाइरस संक्रमितको शव व्यवस्थापनमा प्रशासनलाई निकै कठिनाई भएको छ । कोरोना संक्रमितको शव गाड्न नदिन भन्दै पोखरा महानगरपालिका वडा नं. ३२ का स्थानीयले टायर नै बालेर विरोध प्रदर्शन गरेका छन् ।

स्थानीय प्रशासनले तल्लो गगनगौंडा क्षेत्रमा पर्ने लामतरास्थित सेती नदी किनारमा शव व्यवस्थापनको तयारी गरेको जानकारी पाएपछि घाट क्षेत्रमा जाने बाटोमा अवरोध गरी टायर बालेका हुन् । अन्य क्षेत्रका संक्रमित आफ्नो क्षेत्रमा ल्याएर गाड्न लागिएको भन्दै उनीहरुले आन्दोलन गर्नुपरेको बताएका छन् ।

शव व्यबस्थापन गर्न नदिने भन्दै स्थानियले प्रहरीटोली माथि ढुङ्गामुडा गर्न थालेपछि झडप भएको छ । झडपका क्रममा एक दर्जन प्रदर्शनकारी घाइते भएका छन् ।

नेपाली सेनाले शव व्यबस्थापन गर्ने र पोखरा महानगरपालिकाले शव व्यवस्थापन स्थान खोज्ने सहमतिअनुसार महानगरले पोखरा ३२ मजुवा घाट तय गरेको थियो । जसअनुसार प्रहरील शवबाहनमा राखेर मृतकको शव घाटमा लगेको थियो ।

यता महानगरपालिकाले भने शव व्यवस्थापन गर्ने काममा अवरोध गर्न नहुने बताएको छ ।

यसअघि पहिलो कोरोना संक्रमितको व्यवास्थापन गर्न पोखराको स्थानीय प्रशासन ठूलो व्यवस्थापन गर्नुपरेको थियो । पोखरा वडा नं. ११ मा शव गाड्न प्रशासनले प्रहरी बल प्रयोग गर्नुपरेको थियो ।

बिहिवार, आषाढ ११ २०७७०२:१५:३५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।