नेकपा स्थायी कमिटीको बैठक सुरु, छलफलमा पाँच एजेण्डा

मेगा खबर संवाददाता

१०, आषाढ २०७७

1.9K

नेकपा स्थायी कमिटीको बैठक सुरु, छलफलमा पाँच एजेण्डा

सत्तारूढ नेपाल कम्युनिष्ट पार्टी (नेकपा)को स्थायी समिति बैठक सुरु भएको छ । प्रधानमन्त्रीको सरकारी निवास बालुवाटारमा सुरु भएको स्थायी समितिको बैठक ६ महिनापछि बसेको हो ।

बैठकमा अमेरिकी सहयोग सम्बन्धी सम्झौता मिलेनियम च्यालेन्ज कर्पोरेशन (एमसीसी) विवादका विषयमा छलफल हुनेछ । पार्टीभित्र संसदबाट पारित गर्न हुने वा नहुने विषयमा दुई धार देखिएकाले त्यसमा साझा धारणा बनाउन बैठक बोलाइएको हो ।

यसअघि दुईपटक मिति तोकेर पनि स्थायी समिति बैठक स्थगित भएको थियो । बैठकमा अध्यक्षद्वय केपी शर्मा ओली र पुष्पकमल दाहाल प्रचण्डले राजनीतिक प्रतिवेदन प्रस्तुत गर्ने कार्यसूची तय भएको छ । लिखित भन्दा बुँदागत प्रतिवेदन पेश गर्ने तयारी छ ।

बैठकअघि छलफलको एजेण्डा भने स्थायी समितिका सदस्यहरूलाई जानकारी गराइएको थिएन ।

बैठकको सुरुमा वर्तमान परिस्थिति र स्थायी कमिटीको बैठकका सम्बन्धमा अध्यक्षद्वयले मन्तव्य राख्ने कार्यसूचि रहेको प्रधानमन्त्रीका प्रेस सल्लाहकार सूर्य थापाले जानकारी दिए । थापाका अनुसार सरकारको कामका सम्बन्धमा रोगको नियन्त्रण, रोकथाम र उपचारबारे, नेपालको सीमा, समस्या र समाधानबारे र अन्य विषयमा छलफल हुनेछ ।

तेस्रो एजेन्डामा पार्टी एकताका बाँकी कामहरु बारे छलफल हुने थापाले जनाए । चौथो एजेण्डाको रुपमा एमसिसीलाई राखिएको छ भने पाँचौं एजेण्डामा विविध रहेको छ ।

बुधवार, आषाढ १० २०७७१२:३३:२१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।