भाटभटेनीका अध्यक्षले टिचिङ अस्पतालमा नयाँ भवन बनाइदिने, ११ करोड,लागतमा १० महिनाभित्रै हस्तान्तरण गरिने

मेगा खबर संवाददाता

३, आषाढ २०७७

2.3K

भाटभटेनीका अध्यक्षले टिचिङ अस्पतालमा नयाँ भवन बनाइदिने, ११ करोड,लागतमा १० महिनाभित्रै हस्तान्तरण गरिने

काठमाडौं– भाटभटेनी सुपरमार्केट्सका अध्यक्ष मीनबहादुर गुरुङले त्रिवी शिक्षण अस्पतालमा अर्को भवन बनाइदिने भएका छन् ।

भवनको शिलान्यास बुधबार भएको छ । उपप्रधान तथा रक्षामन्त्री ईश्वर पोखरेलले उक्त भवनको शिलान्यास गरेका हुन् । भवन १० महिना भित्रै तयार पारेर हस्तान्तरण गर्ने योजना छ ।

भाटभटेनी सुपरमार्केट्सका प्रबन्ध निर्देशक समेत रहेका गुरुङ र भाइ पहलमान गुरुङले स्वर्गीय बुबा वृषबहादुर गुरुङ र आमा धनमाया गुरुङको स्मृतिमा उक्त भवन बनाउन लागेका हुन् ।

अध्यक्ष गुरुङका अनुसार नयाँ भवन निर्माणमा करिब ११ करोड रुपैयाँ लागत लाग्ने अनुमान छ । बेसमेन्ट सहित पाँचतलाको हुने उक्त भवनमा एउटा तला २६ सय वर्गफिटको हुनेछ । गुरुङले यसअघि पनि करिब १० करोड लागतमा त्रिवी शिक्षण अस्पतालको आकस्मिक कक्षसहितको भवन निर्माण गरिदिएका थिए ।

‘हामीले यसअघि पनि १० करोड जति लगानीमा त्यहाँ भवन बनाइ दिएका थियौं’, भाटभटेनीका अध्यक्ष गुरुङले भने, ‘अहिले बनाउन लागेको भवनमा फर्निचर र आवश्यक सामग्री पनि उपलब्ध गराउने भनेका छौं । त्यहाँ भेन्टिलेटर सहितको व्यवस्था हुन्छ । यसअघि ६ महिना भित्रै तयार गर्ने योजना थियो तर कोरोना महामारीका कारण निर्माणको काम केही लम्बिने देखेका छौं । १० महिनाभित्रै हामीले उक्त भवन हस्तान्तरण गर्ने योजना छ ।’

बुधवार, आषाढ ३ २०७७०१:२८:५७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।