लकडाउन तीन चरणमा खुकुलो पारिँदै, आज देखि के खुल्ने, के नखुल्ने ? (सुचीसहित)

मेगा खबर संवाददाता

२९, जेठ २०७७

2.9K

लकडाउन तीन चरणमा खुकुलो पारिँदै, आज देखि के खुल्ने, के नखुल्ने ? (सुचीसहित)

काठमाडाैँ – उच्चस्तरीय समन्वय समितिको प्रस्तावअनुसार मन्त्रिपरिषदको बुधबार राति सम्पन्न बैठकले बिहिबारबाट लकडाउन खुकुलो बनाउने निर्णय गरेको छ ।

सरकारले १५ देखि २१ दिनसम्मका ३ चरण बनाइ लकडाउन केही खुकुलो बनाउने निर्णय गरेको हो । सरकारले पहिलो चरणको लकडाउमा २१ दिनको ग्याप राखेको छ भने दोश्रो र तेश्रो चरणका लागि १५-१५ दिनको ग्याप राखेको छ ।

तीनै चरणको परीवर्तित लकडाउनको समीक्षापछि सरकारले सबै व्यवसाय सहज रूपमा सञ्चालनको खाका बनाउने तयारी गरेको छ ।

कोरोना संक्रमणको अवस्था जटिल बन्दै गएमा अहिले तयार गरेको मोडल परिवर्तन हुनसक्ने बताइएको छ ।

यी हुन् पहिलो चरणमा सञ्चालन हुने सेवा तथा व्यवसायहरू :

– स्वास्थ्य सेवासँग सम्बन्धित सबै सेवा

– अत्यावश्यक सेवाका कार्यालय

– सबै प्रकारका ढुवानी सेवा

– पुस्तक पसल तथा स्टेसनरी

– विद्युतीय उपकरण, मेसिनरी र सवारी साधन मर्मत गर्ने वर्कसप

– बिजुलीका सामानसँग सम्बन्धित व्यवसाय तथा पसलहरू

– भाैतिक पूर्वाधार तथा निर्माण व्यवसाय

– उत्पादनशील उद्योग

– नीजि सहितका निर्माण कार्य

– उत्पादन उद्योग

– दमकल, एम्बुलेन्स, सञ्चार तथा प्रसारण, हुलाक सेवा

– पेट्रोलियम पदार्थको ढुवानी र बिक्रीवितरण

– बैंक, वित्तीय संस्था, सहकारी तथा बिमा

– जोर बिजोर प्रणालीमा नीजि सवारी साधनहरू

अहिले नखुलने सेवा तथा व्यवसायहरू :

– फिल्म हल तथा फुटसल लगायत धेरै भीड हुने स्थलहरू

– स्कुल तथा कलेजहरू

– जिमखाना तथा स्वीमिङ पुल

– लामो दूरीका सवारी साधनहरू

बिहिवार, जेठ २९ २०७७०८:०५:३२

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।