संक्रमित युवकको परिवारको ८ दिनपछि मात्रै स्वाब संकलन

मेगा खबर संवाददाता

१४, जेठ २०७७

2.1K

संक्रमित युवकको परिवारको ८ दिनपछि मात्रै स्वाब संकलन

दाङ घोराही उपमहानगरपालिका वडा नं. ९ भगुवारका ४४ वर्षीय एक युवकमा कोरोना संक्रमण पुष्टि भएको ८ पछि मात्रै उनको घर परिवारको स्वाब संकलन भएको छ।

मंगलबार मात्रै संक्रमित युवाका अभिभावक, पत्नी र बच्चाहरुको स्वाब संकलन गरिएको जिल्ला कोरोना फोकल पर्सन कमल चन्दले जानकारी दिए ।

घोराही ९ का वडाध्यक्ष मानबहादुर बस्नेतले कोरोनाभाइरस संक्रमित युवाको घरमा तीन दिन अगाडि पुगेर गाउँ घरमा नजान सचेत तुल्याइएको भएपनि मंगलबार मात्रै स्वाब संकलन गरिएको बताए। संक्रमित युवाको गुरैया टोलमा जम्मा १७ घर परिवार मात्रै रहेको हुँदा त्यो टोललाई तीन दिन अगाडि नै सिल गरिएको वडाध्यक्ष बस्नेतले बताए। ‘ म आफै गएर टोलका सबैलाई टोल बाहिर नजान र बाहिरवाट पनि आउन नदिन आग्रह गरेको हुँ,’ बस्नेतले भने ‘त्यहाँ प्रवेश गर्ने दुईवटै बाटोमा बाँसको तगारो राखेर बाटो समेत बन्द गरिएको छ।’

४४ वर्षीय संक्रमित ती युवामा गत जेठ ५ गते स्वास्थ्य तथा जनसंख्या मन्त्रलायले कोरोना संक्रमन भएको पुष्टि गरेको थियो। संक्रमित युवा काठमाडौंको एक अपार्टमेन्टमा सुरक्षागार्डको काम गर्छन्। उनकी हजुरआमाको निधन चैत १ गते भएपछि १० औं दिनमा चैत १० गते उनी दाङ आएका थिए ।

घर नआएर सोझै घोराही–१५ भरतपुरस्थित आफ्ना साइला अंकलको घरमा पुगेका थिए। उनका घर परिवारका सबै सदस्यहरु हजुरआमाको किरिया भरतपुरमै बसेको हुँदा उनी सोझै त्यहाँ गएको संक्रमितका बुवाले जानकारी दिए।

१३ औं दिनको काजपछि मात्रै ती युवा घोराही ९ भगुवारस्थित घर आए। संक्रमित व्यक्ति वैशाख ३१ गते घरबाट काठमाडौं हिँडेपनि उनी जेठ १ गते मात्रै काठमाडौं पुगेका थिए।

बुधवार, जेठ १४ २०७७०७:३३:५२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।