बन्द भएको आठ महिनापछि भारतीय र नेपाली नागरिक मात्रै यात्रा गर्ने गरी नेपाल–भारत अन्तर्राष्ट्रिय उडान हुने भएको छ ।

कोरोना भाइरस संक्रमणको जोखिम बढेको भन्दै नेपाल सरकारले ०७६ चैतबाट अन्तर्राष्ट्रिय उडान बन्द थियो ।

सरकारले विदेशमा अलपत्र परेका नेपाली ल्याउने भन्दै खाडी देशमा भदौमै नियमित उडान खोले पनि भारतमा भने उडान खुल्ला गरेको थिएन ।

भारतले नेपाली र भारतीयलाई मात्रै यात्रा गर्न दिने गरी (एयर बबल्स) उडान गर्न नेपाललाई प्रस्ताव गरेको थियो ।

 उडान बन्द भए पनि लामो समयपछि भारत र नेपालबीच आउजाउ भने सडकमार्गको बाटोबाट भइरहेको यियो । सरकारले अरु देशका नागरिकलाई हवाइ यात्रा गर्न दिने तर भारतमा भएका नेपालीलाई हवाइ उडान गर्न नदिएको भन्दै विरोध हुँदै आएको छन्  ।

संस्कृति पर्यटन तथा नागरिक उड्डयन मन्त्रालयले भारतको प्रस्तावअनुसार उडान गर्ने गरी मन्त्रिपरिषद्मा प्रस्ताव लगेको थियो। लामो समय रोकेर राखेको प्रस्ताव मंसिर १० गते मन्त्रिपरिषद्ले पारित गरेको छ ।

मन्त्रिपरिषद्ले पारित गरेको निर्णय सोमबारमात्रै उड्डयन मन्त्रालयमा आइपुगेको छ। मन्त्रालयले नेपाल नागरिक उड्डयन प्राधिकरणलाई उडान खोल्न अनुमति दिएपछि उडानको प्रक्रिया अघि बढ्नेछ ।

‘मन्त्रिपरिषद्ले गरेको निर्णय मन्त्रालयमा आइपुगेको जानकारी पाएको छु’, प्राधिकरणका उपमहानिर्देशक राजकुमार क्षेत्रीले मेगाखबर सँग भने, ‘मन्त्रालयले कति उडान गर्न दिने भन्ने पत्र हामीलाई पठाउँछ । हामी त्यसै अनुसार एयरलाइन्सलाई सूचना पठाउँछौँ।’

उनले प्राधिकरणमा मंगलबार पत्र आए सबै तयारी गरेर एक हप्तामा नेपाल–भारत उडान गर्न सकिने बताए। भारतले नियमित उडान भने डिसेम्बर अन्तिम सम्म रोकेको बताए ।

हाल दैनिक दुई उडान मात्रै गर्ने,
संस्कृति पर्यटन तथा नागरिक उड्डयन मन्त्रालयले तत्कालको लागि दैनिक दुई उडान मात्रै गर्ने बताएका छन् । नेपाल वायुसेवा निगमको एक र भारतीय एयरलाइन्सले एक उडान गर्ने गरी अनुमति दिइने मन्त्रालयले बताएको छ ।

नियमित उडान नखुल्दासम्म तेस्रो देशका नागरिक भने आउजाउ गर्न पाउनेछैन न्। स्वास्थ्य मापदण्ड पालना गर्दै नेपालीहरु भारत र भारतीय नेपाल आउन भने कुनै रोक लगाइनेछैन ।

नेपाल–भारतबीच ठूलो व्यापारिक कारोबार हुने हुँदा व्यावसायिक कामको लागि आउजाउ गर्नेलाई समेत अप्ठ्यारो परेको थियो । त्यसको अलावा रोजगारी तथा अध्ययन गर्न जाने विद्यार्थी पनि उडान बन्दीको मारमा छन् ।

नेपाल एयरलाइन्सले काठमाडौंबाट भारतको तीनवटा सहर राजधानी नयाँ दिल्ली, मुम्बई र बेंगलोरमा उडान गर्दै आएको थियो । 

शहरमा नियमित उडान गर्दै आएकोमा सुरुमा काठमाडौं -दिल्लीउ डान मात्रै हुने  बताए ।