चक्रवातको जोखिम बढ्यो, तीन दिन उच्च सतर्कता अपनाउन आग्रह

मेगा खबर संवाददाता

११, कार्तिक २०८३

673

चक्रवातको जोखिम बढ्यो, तीन दिन उच्च सतर्कता अपनाउन आग्रह

काठमाडौँ, बङ्गालको खाडीमा विकसित अर्नब चक्रवात थप शक्तिशाली बन्दै गएपछि राष्ट्रिय विपद् जोखिम न्यूनीकरण तथा व्यवस्थापन प्राधिकरणले तीन दिन उच्च सतर्कता अपनाउन सर्वसाधारणलाई आग्रह गरेको छ ।

प्राधिकरणले सोमबार सूचना जारी गर्दै कात्तिक १२, १३ र १४ गते सम्भावित विपद्बाट जोगिन आवश्यक सावधानी अपनाउन अनुरोध गरेको हो ।

चक्रवातको प्रभावले कोशी, बागमती, मधेस, गण्डकी र लुम्बिनी प्रदेशका धेरै स्थानमा चट्याङ र हावाहुरीसहित मध्यम वर्षा तथा केही स्थानमा भारी वर्षा हुन सक्ने प्राधिकरणले जनाएको छ ।

त्यस्तै, कर्णाली र सुदूरपश्चिम प्रदेशका केही स्थानमा पनि चट्याङ, हावाहुरी र मध्यम वर्षाको सम्भावना छ । यी प्रदेशका उच्च पहाडी तथा हिमाली क्षेत्रमा भारी हिमपात, हिमआँधी र हिमपहिरोको जोखिमसमेत रहेको प्राधिकरणले जनाएको छ ।

सम्भावित जोखिमलाई ध्यानमा राख्दै मौसमको अवस्था बुझेर मात्र यात्रा गर्न, नदी तथा खोलानालाको बहाव बढ्न सक्ने क्षेत्रमा सतर्क रहन र विपद्को जोखिम भएका स्थानमा विशेष सावधानी अपनाउन आवश्यक देखिएको छ ।

864617760_1037381162691274_2809907421830522940_n

मंगलवार, कार्तिक ११ २०८३०८:३५:१२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।