दसैँको टीका लगाउने क्रम जारी, आफन्तको घरमा बढ्यो चहलपहल

मेगा खबर संवाददाता

८, कार्तिक २०८३

406

दसैँको टीका लगाउने क्रम जारी, आफन्तको घरमा बढ्यो चहलपहल

काठमाडौँ, बडादसैँको रौनक अझै घटेको छैन । विजयादशमीको दिन टीका लगाउन नभ्याएका र छुटेका आफन्तहरू यतिबेला मान्यजनको हातबाट टीका, जमरा र आशीर्वाद लिन व्यस्त छन् ।

टीकाको चौथो दिन आज पनि घरघरमा टीका लगाउने, आशीर्वाद लिने र आफन्तसँग भेटघाट गर्ने क्रम जारी छ । दसैँका बेला टाढिएका परिवारजनसँग भेट्ने र पुराना सम्बन्धलाई थप प्रगाढ बनाउने अवसरका रूपमा यस पर्वलाई लिने गरिन्छ ।

नेपाली परम्पराअनुसार विजयादशमीदेखि सुरु भएको टीका र जमरा लगाउने क्रम कोजाग्रत पूर्णिमासम्म चल्छ । यस अवधिमा मान्यजनबाट आशीर्वाद लिने तथा परिवार र आफन्तबीच सुखदुःख साटासाट गर्ने चलन छ ।

टीका लगाउन आफन्तको घर जाने र आउनेहरूको चहलपहल बढेसँगै सहरका सडक तथा बजारमा पनि दसैँको रौनक देखिएको छ ।

यता, दसैँ मनाउन सहरबाट गाउँ गएकाहरू फर्किने क्रम पनि बढ्न थालेको छ । चाडपर्व मनाएर आ–आफ्नो काम र गन्तव्यमा फर्किने यात्रुका कारण सडक तथा यातायातमा चहलपहल थपिँदै गएको छ ।

शनिवार, कार्तिक ८ २०८३०७:५९:१४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।