वनकाली माई मन्दिरमा पूजा, दर्शन तथा बलिसम्बन्धी नयाँ व्यवस्था लागू

मेगा खबर संवाददाता

३, कार्तिक २०८३

886

वनकाली माई मन्दिरमा पूजा, दर्शन तथा बलिसम्बन्धी नयाँ व्यवस्था लागू

सिन्धुपाल्चोक, सिन्धुपाल्चोकको बलेफी गाउँपालिका–१ स्थित श्री वनकाली माई मन्दिरमा पूजा,दर्शन तथा बलि व्यवस्थापनलाई व्यवस्थित बनाउन नयाँ नियम लागू गरिएको छ ।

वनकाली मन्दिर संरक्षण समितिका अनुसार यस वर्षदेखि मन्दिरभित्र पूजा तथा दर्शन मात्र गर्न पाइने व्यवस्था गरिएको छ । मूल पूजाबाहेक अन्य बलि दिने कार्य मन्दिर परिसरबाहिर तोकिएको स्थानमा मात्र गर्नुपर्ने सूचनामा उल्लेख गरिएको छ ।

समितिले सम्पूर्ण भक्तजन तथा दर्शनार्थीहरूलाई तोकिएका नियम तथा व्यवस्थाको अनिवार्य रूपमा पालना गर्न अनुरोध गरेको छ । मन्दिरको धार्मिक वातावरण,शान्ति र सुव्यवस्था कायम राख्ने उद्देश्यले उक्त व्यवस्था लागू गरिएको समितिले जनाएको छ ।

नयाँ व्यवस्थाका कारण भक्तजन तथा दर्शनार्थीहरूलाई पर्न जाने असुविधाप्रति क्षमायाचना गर्दै समितिले सबैलाई नियमको पालना गरी मन्दिरको धार्मिक मर्यादा र व्यवस्थापन कायम राख्न सहयोग गरिदिनुहुन विनम्र अनुरोध गरेको छ ।

सोमवार, कार्तिक ३ २०८३०८:२५:३४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।