भोटेकोशी बाढीका शव पहिचान अन्तिम चरणमा, दसैँपछि आफन्तलाई बुझाइने

मेगा खबर संवाददाता

३०, आश्विन २०८३

1.0K

भोटेकोशी बाढीका शव पहिचान अन्तिम चरणमा, दसैँपछि आफन्तलाई बुझाइने

काठमाडौं, भोटेकोशी र त्रिशूलीमा आएको विनाशकारी बाढीमा ज्यान गुमाएकाहरूको शव पहिचान अन्तिम चरणमा पुगेको छ । डीएनए परीक्षण र अन्य प्राविधिक प्रक्रिया पूरा गरेर दसैँपछि शव आफन्तलाई बुझाउने तयारी गरिएको छ ।

बाढीमा भेटिएका तर पहिचान खुल्न नसकेका १ हजार १४८ शव गाडेर सुरक्षित राखिएको थियो। भदौ १० मा तिब्बततर्फको ल्हेन्दे खोलामा आएको बाढीले भोटेकोशी र त्रिशूली नदीमा विनाश मच्चाउँदा १ हजार ४१० जनाको मृत्यु पुष्टि भएको छ ।

प्रहरी प्रवक्ता डीआईजी अबिनारायण काफ्लेका अनुसार शवबाट संकलित हड्डी र दाँतका नमुना तथा आफन्तको रगतबाट लिइएका नमुनासहित ३ हजार ५२२ वटा नमुनाको परीक्षण अन्तिम चरणमा पुगेको छ। राष्ट्रिय विधि विज्ञान प्रयोगशाला, प्रहरीको केन्द्रीय विधि विज्ञान प्रयोगशाला र नास्टमा डीएनए परीक्षण गरिएको हो ।

राष्ट्रिय विधि विज्ञान प्रयोगशालामा १ हजार ६८० वटा डीएनए प्रोफाइल तयार भइसकेका छन् भने नास्टले चिनियाँ प्राविधिकको सहयोगमा ८७० वटा नमुनाको डीएनए प्रोफाइल तयार गरेको छ ।

डीएनएसँगै औँठाछापबाट पनि पहिचान

डीएनए परीक्षणका नतिजाका आधारमा गठित विपद् पीडित पहिचान समूहले सफ्टवेयरको सहायताले शव पहिचान गरिरहेको छ। पहिचानका क्रममा डीएनएसँगै मृतकको औँठाछाप, राष्ट्रिय परिचयपत्रको विवरण, अध्यागमनको अभिलेख र आफन्तले भरेको विवरणसमेत भिडाइनेछ।

पहिचान प्रक्रिया पूरा भएपछि दसैँपछि शव आफन्तलाई हस्तान्तरण गर्ने तयारी भइरहेको प्रहरीले जनाएको छ।

शुक्रवार, आश्विन ३० २०८३०६:१३:४३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।