विदेश पठाउने भन्दै ठगी, चार जना पक्राउ

मेगा खबर संवाददाता

२२, आश्विन २०८३

370

काठमाडौँ, आकर्षक तलबमा विदेश पठाइदिने प्रलोभन देखाएर बेरोजगार युवायुवतीबाट रकम असुली ठगी गरेको आरोपमा चार जना पक्राउ परेका छन् ।

काठमाडौँ उपत्यका अपराध अनुसन्धान कार्यालय टेकुले पीडितको जाहेरीका आधारमा उनीहरूलाई उपत्यकाका विभिन्न स्थानबाट पक्राउ गरेको हो । विदेश पठाउने भन्दै लामो समय झुक्याएर रकम लिएपछि सम्पर्कविहीन भएको प्रहरीको भनाइ छ ।

पक्राउ पर्नेमा धनुषाका योगेन्द्र राउत यादव,भक्तपुरकी एलिसा अधिकारी,दार्चुलाका हरिस सिंह महरा र बाराका राजेश प्रसाद जयसवाल छन् ।

उनीहरूलाई थप अनुसन्धान तथा कारबाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ ।

160

बिहिवार, आश्विन २२ २०८३१२:४०:१४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।