दुर्गा प्रसाईंलाई थप एक दिन हिरासतमा राख्न अदालतको अनुमति

मेगा खबर संवाददाता

१५, आश्विन २०८३

334

दुर्गा प्रसाईंलाई थप एक दिन हिरासतमा राख्न अदालतको अनुमति

काठमाडौँ, मेडिकल व्यवसायी दुर्गा प्रसाईंलाई थप एक दिन हिरासतमा राखेर अनुसन्धान गर्न अदालतले अनुमति दिएको छ । बिहीबार काठमाडौँ जिल्ला अदालतले साइबर ब्युरोलाई प्रसाईंमाथि थप अनुसन्धान गर्न अनुमति दिएको हो ।

बन्दी प्रत्यक्षीकरणको रिटमा सर्वोच्च अदालतले प्रसाईंलाई उपस्थित गराउन आदेश दिएपछि उनलाई अदालतमा उपस्थित गराइएको थियो ।

प्रसाईंलाई असार १२ गते साइबर ब्युरोले पक्राउ गरेको थियो । राष्ट्रिय स्वतन्त्र पार्टीकी सांसद रचना खतिवडाको उजुरीका आधारमा प्रहरीले उनीमाथि विद्युतीय अपराधसम्बन्धी कसुरमा अनुसन्धान गरिरहेको छ ।

प्रसाईंले युट्युबमार्फत सांसद खतिवडाले छोराको शवसँग सांसद पद साटेको भन्दै अपमानजनक टिप्पणी गरेको आरोप छ ।

बिहिवार, आश्विन १५ २०८३०५:२७:३९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।