आजको मौसम : हिमाली–पहाडी क्षेत्रमा बदली, केही ठाउँमा वर्षा र हिमपातको सम्भावना

मेगा खबर संवाददाता

१५, आश्विन २०८३

502

आजको मौसम : हिमाली–पहाडी क्षेत्रमा बदली, केही ठाउँमा वर्षा र हिमपातको सम्भावना

काठमाडौँ, मनसुनको न्यून चापीय रेखा सरदर स्थान आसपास रहेकाले आज देशका अधिकांश हिमाली तथा पहाडी क्षेत्रमा मौसम बदली रहने भएको छ।

जल तथा मौसम पूर्वानुमान महाशाखाका अनुसार अहिले देशभर मनसुनी वायु र पश्चिमी वायुको आंशिक प्रभाव छ। दिउँसो हिमाली र पहाडी भू–भागमा सामान्यतया बादल लाग्ने तथा तराईमा आंशिक बदली रहनेछ ।

कोशी र बागमतीका हिमाली तथा पहाडी क्षेत्रमा केही स्थानमा तथा गण्डकी, लुम्बिनी, कर्णाली र सुदूरपश्चिमका हिमाली–पहाडी भू–भागका एक–दुई स्थानमा हल्का वर्षा तथा हिमपातको सम्भावना छ ।

राति कोशी, बागमती र गण्डकीका हिमाली–पहाडी क्षेत्रमा सामान्यतया बदली रहनेछ भने लुम्बिनी, कर्णाली र सुदूरपश्चिममा आंशिक बदली रहनेछ। तराई क्षेत्रमा भने मौसम मुख्यतया सफा रहने पूर्वानुमान छ ।

राति पनि कोशी, बागमती र गण्डकीका हिमाली तथा पहाडी भू–भागका एक–दुई स्थानमा हल्का वर्षा वा हिमपात हुनसक्ने महाशाखाले जनाएको छ ।

बिहिवार, आश्विन १५ २०८३०७:०१:००

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।