काठमाडौंमा हुस्सु, तीन दिन ठूलो वर्षाको सम्भावना छैन

मेगा खबर संवाददाता

१२, आश्विन २०८३

262

काठमाडौंमा हुस्सु, तीन दिन ठूलो वर्षाको सम्भावना छैन

काठमाडौं, केही दिनदेखि जारी अविरल वर्षा रोकिएसँगै काठमाडौं उपत्यकाको जनजीवन सामान्य बन्दै गएको छ । मौसममा सुधार आएसँगै सोमबार बिहान काठमाडौंमा हुस्सु लागेको छ भने चिसोसमेत बढेको महसुस गरिएको छ ।

मौसमविद् बिनु महर्जनका अनुसार बिहान काठमाडौं उपत्यकाको भिजिबिलिटी करिब ८ सय मिटर रहेको छ । उपत्यकाको न्यूनतम तापक्रम १६ डिग्री सेल्सियस मापन भएको छ भने दिउँसो तापक्रम २५ देखि २७ डिग्रीसम्म पुग्ने अनुमान छ ।

महर्जनका अनुसार भारी वर्षा हिजोदेखि नै कम भएको छ। आगामी तीन दिन ठूलो वर्षा गराउने प्रणाली विकास हुने सम्भावना नरहेको उनले बताइन् ।

हिमाली तथा पहाडी क्षेत्रका केही स्थानमा क्षणिक र खण्डित वर्षा हुनसक्नेछ । काठमाडौं उपत्यकामा पनि दिउँसो बादल लाग्ने तथा केही स्थानमा हल्का वर्षाको सम्भावना रहेको मौसमविद् महर्जनले जानकारी दिइन् ।

सोमवार, आश्विन १२ २०८३०७:१२:१५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।