कृष्णभीरको पहिरो हटाइयो, नागढुंगा–मुग्लिन सडकमा सवारी चल्न थाल्यो

मेगा खबर संवाददाता

१०, आश्विन २०८३

646

कृष्णभीरको पहिरो हटाइयो, नागढुंगा–मुग्लिन सडकमा सवारी चल्न थाल्यो

काठमाडौँ, नागढुंगा–मुग्लिन सडकखण्ड अन्तर्गत कृष्णभीरमा खसेको पहिरो पन्छाएपछि सवारीसाधन सञ्चालनमा आएका छन् । तर सडकखण्डका अन्य ७ स्थानमा अझै पहिरो हटाउने काम जारी रहेकाले यात्रा पूर्ण रूपमा सहज भइसकेको छैन ।

नागढुंगा–मुग्लिन सडक योजना (पश्चिम खण्ड) का सूचना अधिकारी सचेन्द्र मिश्रका अनुसार कृष्णभीरमा सडकको भित्तातर्फ खसेको पहिरो हटाएर मुख्य ट्र्याक सञ्चालनमा ल्याइएको हो । पहिरोसँगै सडक छेउको गेबियन वालसमेत खसेको छ । मुख्य सडकभन्दा करिब २ देखि ३ मिटर जमिन बाँकी रहेको र सडकमा ठूला धाँजा नदेखिएकाले तत्कालका लागि सवारी सञ्चालन गर्न सकिने अवस्था रहेको आयोजनाले जनाएको छ । वर्षा जारी रहे थप पहिरो खस्ने वा सडक भासिने जोखिम भने कायमै छ ।

कृष्णभीरबाहेक पानीधारा,धारापानी,जवां,जलविरे, रोराङलगायतका स्थानमा हेभी मेसिन प्रयोग गरी पहिरो पन्छाउने काम भइरहेको छ ।

लगातार पानी परिरहेकाले पहिरो हटाउन केही कठिनाइ भइरहेको आयोजनाले जनाएको छ । सबै स्थानको पहिरो पूर्ण रूपमा हटेपछि मात्रै नागढुंगा–मुग्लिन सडकमा निर्बाध आवागमन सञ्चालन हुने बताइएको छ । यात्रु तथा चालकलाई वर्षाका कारण थप जोखिम हुन सक्ने भन्दै सावधानी अपनाउन आग्रह गरिएको छ ।

शनिवार, आश्विन १० २०८३०२:२४:३७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।