खुलेको २४ दिनमै कृष्णभिर नजिकै फेरि पहिरो, पृथ्वी राजमार्ग प्रभावित

मेगा खबर संवाददाता

८, आश्विन २०८३

367

खुलेको २४ दिनमै कृष्णभिर नजिकै फेरि पहिरो, पृथ्वी राजमार्ग प्रभावित

काठमाडौँ, १८ दिनसम्म बन्द भएर भर्खरै सञ्चालनमा आएको पृथ्वी राजमार्गमा फेरि पहिरो खसेको छ । धादिङको कृष्णभिर नजिकै आज बिहान लेदोसहितको पहिरो खसेपछि राजमार्ग एकतर्फी सञ्चालनमा आएको हो ।

बेनीघाट रोराङ गाउँपालिका–७ स्थित कृष्णभिरभन्दा करिब १ सय मिटर अगाडि पहिरो खसेको धादिङ प्रहरीले जनाएको छ। पहिरोका कारण अहिले सवारीसाधनलाई एकतर्फी रूपमा सञ्चालन गरिएको छ ।

यस्तै, सोही गाउँपालिका–९ को ज्यामिरेमा पनि पहिरो खसेको छ । उक्त क्षेत्रमा अहिले पनि वर्षा भइरहेकाले सडकमा थप अवरोध आउन सक्ने जोखिम रहेको छ ।

गत भदौ १० र १४ गते भोटेकोशी तथा त्रिशूली नदीमा आएको ठूलो बाढीले कृष्णभिरमा सडक कटान गरेपछि पृथ्वी राजमार्ग १८ दिन अवरुद्ध भएको थियो । कृष्णभिरमा नयाँ ट्र्याक खोलेर असोज १ गतेदेखि राजमार्ग पुनः सञ्चालनमा ल्याइएको थियो ।

बिहिवार, आश्विन ८ २०८३०७:४३:०३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।