काठमाडौँ,  देशभर मनसुनी वायुको प्रभावसँगै पश्चिमी वायुको समेत आंशिक प्रभाव रहेको छ । मौसम पूर्वानुमान महाशाखाका अनुसार बङ्गालको खाडीमा रहेको न्यून चापीय क्षेत्र गहिरो न्यून चापीय क्षेत्रमा परिणत भएको छ। यो प्रणाली आगामी दिनमा थप शक्तिशाली बन्दै पश्चिम–उत्तरपश्चिमतर्फ सर्ने अनुमान गरिएको छ ।

यसको प्रभावले अहिले देशभर सामान्यदेखि पूर्ण बदली रहेको छ । कोशी, बागमती, गण्डकी, लुम्बिनी र सुदूरपश्चिमका केही स्थानमा हल्कादेखि मध्यम वर्षा भइरहेको छ ।

आज दिउँसोँ कोशी, मधेस, बागमती, गण्डकी र लुम्बिनीमा अधिकांश बदली रहनेछ भने कर्णाली र सुदूरपश्चिममा सामान्य बदली रहनेछ । कोशी, बागमती, गण्डकी र लुम्बिनीका हिमाली तथा पहाडी भूभागका धेरै स्थानमा तथा कर्णाली र सुदूरपश्चिमका हिमाली–पहाडी भूभागका केही स्थानमा चट्याङसहित मध्यम वर्षाको सम्भावना छ ।

मधेससहित कोशी, बागमती, गण्डकी र लुम्बिनीका तराई भूभागका धेरै स्थान तथा सुदूरपश्चिमको तराईका केही स्थानमा पनि चट्याङसहित मध्यम वर्षा हुनसक्ने महाशाखाले जनाएको छ ।

कोशी, बागमती र गण्डकीका केही स्थान तथा मधेस र लुम्बिनीका एक–दुई स्थानमा भारी वर्षाँ हुने सम्भावना छ । कोशी र बागमतीका पहाडी भूभागका एक–दुई स्थानमा ँधेरै भारी वर्षाँ समेत हुनसक्ने पूर्वानुमान गरिएको छ। मधेस तथा कोशीका तराई भूभागका केही स्थानमा हावाहुरीको समेत सम्भावना छ ।

आज राति पनि वर्षाको जोखिम कायमै रहनेछ। कोशी, बागमती, गण्डकी र लुम्बिनीका हिमाली तथा पहाडी भूभागका धेरै स्थानमा तथा कर्णाली र सुदूरपश्चिमका केही स्थानमा चट्याङसहित मध्यम वर्षा हुनसक्नेछ ।

त्यस्तै, मधेस तथा कोशी, बागमती, गण्डकी र लुम्बिनीका तराई भूभागका धेरै स्थानमा र सुदूरपश्चिमको तराईका केही स्थानमा मध्यम वर्षाको सम्भावना छ । कोशी, बागमती, गण्डकी र लुम्बिनीका केही स्थान तथा मधेसका एक–दुई स्थानमा भारी वर्षा हुनसक्नेछ ।

कोशी र लुम्बिनीका पहाडी तथा तराई भूभागका एक–दुई स्थानमा ँधेरै भारी वर्षाँ तथा मधेससहित कोशी, बागमती, गण्डकी र लुम्बिनीका तराई भूभागका केही स्थानमा हावाहुरीको समेत सम्भावना रहेको महाशाखाले जनाएको छ ।