आज पनि वर्षा, तीन प्रदेशमा भारी वर्षाको सम्भावना

मेगा खबर संवाददाता

२, आश्विन २०८३

460

आज पनि वर्षा, तीन प्रदेशमा भारी वर्षाको सम्भावना

काठमाडौं, देशभर मनसुनी वायुसँगै पश्चिमी वायुको आंशिक प्रभाव रहेको छ । मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानभन्दा दक्षिणतर्फ रहेकाले देशभर मौसम बदली भएको छ ।

हाल बागमती र गण्डकीका थोरै तथा कोशी प्रदेशका एक–दुई स्थानमा हल्कादेखि मध्यम वर्षा भइरहेको छ ।

दिउँसो कोशी, बागमती र गण्डकीका पहाडी तथा हिमाली क्षेत्रमा वर्षाको सम्भावना छ । लुम्बिनी, कर्णाली र सुदूरपश्चिमका पहाडी तथा हिमाली क्षेत्रमा पनि केही स्थानमा वर्षा हुन सक्नेछ ।

कोशी, बागमती र गण्डकीका पहाडी तथा हिमाली क्षेत्रमा चट्याङसहित मध्यम वर्षाको सम्भावना छ भने यी तीन प्रदेशका एक–दुई स्थानमा भारी वर्षा हुन सक्ने महाशाखाले जनाएको छ ।

राति पनि कोशीसहित देशका हिमाली तथा पहाडी क्षेत्रमा बदली रहनेछ । कोशी, बागमती, गण्डकी र कर्णालीका केही हिमाली क्षेत्रमा तथा विभिन्न पहाडी क्षेत्रमा चट्याङसहित वर्षाको सम्भावना रहेको छ ।

तराईका केही स्थानमा समेत चट्याङसहित मध्यम वर्षा हुन सक्ने महाशाखाको पूर्वानुमान छ ।

शुक्रवार, आश्विन २ २०८३०६:५६:५८

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।