आज देशभर बदली, केही प्रदेशमा भारी वर्षाको सम्भावना

मेगा खबर संवाददाता

१, आश्विन २०८३

301

आज देशभर बदली, केही प्रदेशमा भारी वर्षाको सम्भावना

काठमाडौं, मनसुनी वायुको प्रभावका कारण आज देशभरको मौसम सामान्यतया बदली रहने मौसम पूर्वानुमान महाशाखाले जनाएको छ ।

कोशी,बागमती,गण्डकी,लुम्बिनी र सुदूरपश्चिमका केही हिमाली क्षेत्रमा तथा कर्णालीका हिमाली भूभागका थोरै स्थानमा चट्याङसहित मध्यम वर्षाको सम्भावना छ । पहाडी र तराईका केही स्थानमा पनि वर्षा हुने अनुमान गरिएको छ ।

कोशीको पहाडी तथा तराई भूभाग बागमतीको तराई र गण्डकीको पहाडी भूभागका एक–दुई स्थानमा भारी वर्षा हुन सक्ने महाशाखाले जनाएको छ ।

आज राति पनि देशभर बदली रहनेछ । कोशी,बागमती र गण्डकीका केही पहाडी तथा हिमाली क्षेत्रमा वर्षाको सम्भावना छ भने अन्य प्रदेशका पहाडी तथा तराई भूभागमा समेत हल्कादेखि मध्यम वर्षा हुन सक्ने पूर्वानुमान छ ।

बिहिवार, आश्विन १ २०८३०७:२९:००

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।