बाढीपछि रसुवागढी आयोजनाको सुरुङमा खोजी, अन्तिम बिन्दुसम्म पुग्दा पनि भेटिएनन् मानिस

मेगा खबर संवाददाता

१५, भाद्र २०८३

964

बाढीपछि रसुवागढी आयोजनाको सुरुङमा खोजी, अन्तिम बिन्दुसम्म पुग्दा पनि भेटिएनन् मानिस

काठमाडौं, भोटेकोशी नदीमा आएको बाढीपछि रसुवागढी जलविद्युत् आयोजनाको सुरुङभित्र मानिस फसेको आशंकाले उद्धार टोलीलाई सुरुङको अन्तिम बिन्दुसम्मै पुर्‍यायो । तर, लामो खोजीपछि पनि त्यहाँ कुनै मानवीय उपस्थिति भेटिएन ।

बाढीले आयोजना क्षेत्रमा क्षति पुर्‍याएपछि सुरुङको भित्री भागमा मानिसहरू फसेको हुनसक्ने आशंका गरिएको थियो । त्यसपछि नेपाली सेनाको नेतृत्वमा इन्जिनियर र ड्रोन टोलीसहित उद्धारकर्मीहरू सुरुङभित्र प्रवेश गरेका थिए ।

टोलीले सुरुङको अन्तिम भागसम्म पुगेर स्थलगत निरीक्षण गर्नुका साथै ड्रोन उडाएर समेत सम्भावित स्थानमा खोजी गरेको थियो। तर, कतै पनि मानिस फसेको वा रहेको संकेत फेला परेन ।

सुरुङभित्र मानिस नरहेको पुष्टि भएपछि खोजी अभियान टुंग्याइएको छ । त्यसपछि नेपाली सेनाको उद्धार टोली आयोजनास्थलबाट रसुवाको धुन्चे फर्किएको छ ।

यससँगै बाढीपछि सुरुङभित्र मानिस फसेको हुनसक्ने आशंका तत्कालका लागि टरेको छ ।

सोमवार, भाद्र १५ २०८३०१:३५:२९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।