कांग्रेसका नेता गोपालमान श्रेष्ठको निधन, वरिष्ठ नेता घोषणा कार्यान्वयन हुन पाएन

मेगा खबर संवाददाता

१२, श्रावण २०८३

1.0K

कांग्रेसका नेता गोपालमान श्रेष्ठको निधन, वरिष्ठ नेता घोषणा कार्यान्वयन हुन पाएन

काठमाडौँ, नेपाली कांग्रेसका नेता गोपालमान श्रेष्ठको निधन भएको छ । गत साता मात्रै पार्टी सभापति गगन थापाले उनलाई पार्टीको वरिष्ठ नेतामा मनोनयन गर्ने घोषणा गरेका थिए । तर उक्त निर्णय औपचारिक रूपमा कार्यान्वयन हुनुअघि नै श्रेष्ठको मङ्गलबार निधन भएको हो ।

पेटको क्यान्सरको उपचार गराइरहेका श्रेष्ठलाई सभापति थापाले अस्पतालमै पुगेर भेटेका थिए । त्यसक्रममा केन्द्रीय समितिबाट अनुमोदन गराई उनलाई वरिष्ठ नेतामा मनोनयन गर्ने प्रतिबद्धता व्यक्त गरेका थिए ।

गत साउन ७ गते आयोजित ४४औँ बीपी स्मृति तथा जरा अभियान समापन तथा नयाँ अभियान घोषणा कार्यक्रममा बोल्दै थापाले भनेका थिए, “गोपालमान श्रेष्ठको स्वास्थ्य अवस्था नाजुक छ । केही समयअघि पार्टीभित्र यस विषयमा छलफल गरेका थियौँ । मैले अस्पतालमै गएर उहाँलाई केन्द्रीय समिति बैठकबाट वरिष्ठ नेतामा मनोनयन गरिने जानकारी दिएको थिएँ ।”

कांग्रेसमा लामो समयसम्म सक्रिय भूमिका निर्वाह गरेका श्रेष्ठ कार्यवाहक सभापति तथा मन्त्रीसमेत भइसकेका थिए । पार्टीका अनुसार ८३ वर्षीय श्रेष्ठको अन्त्येष्टि बुधबार गरिनेछ ।

मंगलवार, श्रावण १२ २०८३०४:३१:३८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।