त्रिवि वार्षिकोत्सवमा प्रदर्शन, २३ विद्यार्थी पक्राउ

मेगा खबर संवाददाता

७, श्रावण २०८३

439

त्रिवि वार्षिकोत्सवमा प्रदर्शन, २३ विद्यार्थी पक्राउ

काठमाडौं, त्रिभुवन विश्वविद्यालय (त्रिवि)को ६७औँ वार्षिक दिवसका अवसरमा आयोजित कार्यक्रममा प्रदर्शन गर्न पुगेका २३ जना विद्यार्थीलाई प्रहरीले नियन्त्रणमा लिएको छ । उनीहरूले शिक्षा तथा खेलकुद मन्त्री तथा त्रिविका सहकुलपति सस्मित पोख्रेलविरुद्ध नाराबाजी गरेका थिए ।

पक्राउ पर्नेमा त्रिवि स्वतन्त्र विद्यार्थी युनियन (स्ववियु)का उपसभापति सनम वली, सचिव हिक्मतकुमार बुढा, शंकरदेव क्याम्पसका अखिल संयोजक दिनेश रेग्मी, कुलबहादुर बुढा,डम्बरसिङ ऐरी, प्रकाश सन्जेललगायत रहेका छन् । उनीहरूलाई प्रहरी वृत्त कीर्तिपुरमा राखिएको प्रहरीले जनाएको छ ।

त्रिवि स्ववियु सभापति दीपकराज जोशीका अनुसार विद्यार्थीहरू वार्षिकोत्सव कार्यक्रमस्थलमा प्रवेश गर्न खोज्दा प्रहरीले रोकेको थियो । विश्वविद्यालयलाई पर्याप्त बजेट नदिएको विरोध गर्न खोजिएको भए पनि कार्यक्रममा सहभागी हुन नदिइएको भन्दै उनले आपत्ति जनाए ।

प्रदर्शनकारी विद्यार्थीहरूले विश्वविद्यालयमा मेरिटोक्रेसी लागू गर्न,प्रधानमन्त्री कुलपति र शिक्षामन्त्री सहकुलपति रहने व्यवस्था अन्त्य गर्न तथा राजनीतिक हस्तक्षेप रोक्न माग गर्दै प्लेकार्ड प्रदर्शन गरेका थिए ।

बिहिवार, श्रावण ७ २०८३०२:०६:५६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।