सबै सार्वजनिक यातायात महिलामैत्री बनाउन कुलमान घिसिङको जोड

मेगा खबर संवाददाता

२०, आषाढ २०८३

640

सबै सार्वजनिक यातायात महिलामैत्री बनाउन कुलमान घिसिङको जोड

काठमाडौँ, उज्यालो नेपाल पार्टीका अध्यक्ष कुलमान घिसिङले महिलाको सुरक्षित आवागमन सुनिश्चित गर्ने उद्देश्यले सरकारले अघि सारेको ‘ब्लू बस’ सञ्चालनको योजनालाई सकारात्मक पहलको रूपमा स्वागत गरेका छन् । तर,यसका लागि साझा यातायातको स्थापित हरियो पहिचान परिवर्तन गर्नु उपयुक्त नहुने उनको धारणा छ ।

साझा यातायातले विद्युतीय सवारीमार्फत हरित र दिगो सार्वजनिक यातायात प्रवर्द्धन गर्दै आएको उल्लेख गर्दै घिसिङले हरियो रङ वातावरण संरक्षण र हरित विकासप्रतिको प्रतिबद्धताको प्रतीक भएकाले त्यसलाई जोगाइराख्नुपर्ने बताएका छन् ।

उनले महिलाका लागि विशेष वा निःशुल्क बस सञ्चालन गर्नु स्वागतयोग्य भए पनि महिलाको सुरक्षा कुनै एक प्रकारको बसमा मात्र सीमित हुन नहुने बताए । सार्वजनिक यातायातका सबै साधन महिलाले निर्धक्क र सम्मानपूर्वक प्रयोग गर्न सक्ने वातावरण निर्माण गर्नु नै दीर्घकालीन समाधान हुने उनको भनाइ छ ।

शनिवार, आषाढ २० २०८३०४:२४:२८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।