पुनर्निर्माणको पर्खाइमा ऐतिहासिक जलबिरे शिवालय

मेगा खबर संवाददाता

२०, आषाढ २०८३

1.3K

पुनर्निर्माणको पर्खाइमा ऐतिहासिक जलबिरे शिवालय

सिन्धुपाल्चोक, जलबिरे, वि.सं.२०७२ सालको विनाशकारी भूकम्प गएको एक दशकभन्दा बढी समय बितिसक्दा पनि सिन्धुपाल्चोकको जलबिरेस्थित ऐतिहासिक शिव मन्दिर (शिवालय) अझै जिर्ण अवस्थामै रहेको छ ।

धार्मिक, सांस्कृतिक तथा ऐतिहासिक दृष्टिले महत्वपूर्ण मानिने यस मन्दिरको पुनर्निर्माण समयमै हुन नसक्दा स्थानीयवासी तथा श्रद्धालुहरू चिन्तित बनेका छन् । वर्षौंदेखि पुनर्निर्माणको पर्खाइमा रहेको यो सम्पदा संरक्षणको अभावमा थप जोखिममा पर्दै गएको स्थानीयहरूको भनाइ छ ।

स्थानीयवासीहरूले सम्बन्धित निकाय,जनप्रतिनिधि,पुरातत्त्व विभाग तथा सरोकारवाला संस्थाहरूको ध्यानाकर्षण गराउँदै मन्दिरको शीघ्र पुनर्निर्माण र उचित व्यवस्थापनका लागि पहल गर्न आग्रह गरेका छन् । उनीहरूको भनाइमा,सबै पक्षको समन्वय, सहयोग र सक्रियताबाट मात्र यस ऐतिहासिक सम्पदाको संरक्षण सम्भव हुनेछ ।

जलबिरे शिवालय केवल धार्मिक आस्थाको केन्द्र मात्र नभई स्थानीय इतिहास,संस्कृति र पहिचानसँग जोडिएको अमूल्य सम्पदा भएकाले यसको संरक्षण आजको आवश्यकता भएको स्थानीयहरूको जोड छ । सम्पदाको संरक्षणका लागि सबैले आवाज उठाई पुनर्निर्माण अभियानलाई सफल बनाउन सहयोग गर्नुपर्ने आवश्यकता महसुस गरिएको छ ।

शनिवार, आषाढ २० २०८३११:०४:०३

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।