पूर्व विद्यार्थीद्वारा भद्रकाली माध्यमिक विद्यालयमा शैक्षिक तथा सामग्री सहयोग

मेगा खबर संवाददाता

१३, जेठ २०८३

2.0K

पूर्व विद्यार्थीद्वारा भद्रकाली माध्यमिक विद्यालयमा शैक्षिक तथा सामग्री सहयोग

सिन्धुपाल्चोक, श्री भद्रकाली माध्यमिक विद्यालयमा २०७३ सालमा सी उत्तीर्ण गरेका पूर्व विद्यार्थीहरूले विद्यालयमा अध्ययनरत विद्यार्थी तथा टुहुरा बालबालिकालाई विभिन्न शैक्षिक सामग्री वितरण गरेका छन् ।

पूर्व विद्यार्थीहरूको सहयोगमा कक्षा १ देखि ५ सम्म अध्ययनरत सबै विद्यार्थीलाई झोला,कापी तथा डटपेन वितरण गरिएको छ । त्यसैगरी कक्षा १ देखि १० सम्मका टुहुरा बालबालिकालाई कपडा,झोला तथा स्टेशनरी सामग्री उपलब्ध गराइएको जनाइएको छ ।

सी परीक्षामा उत्कृष्ट नतिजा हासिल गर्ने छात्रालाई विद्यालय पोसाक तथा नगद पुरस्कार प्रदान गरिएको छ । साथै विद्यालयलाई कुर्सी,टेबल,फ्यान,ड्रम सेट,लेमिनेसन मेसिन लगायत विभिन्न कार्यालयीय तथा शैक्षिक सामग्री समेत हस्तान्तरण गरिएको छ ।

कार्यक्रममा सहभागीहरूले पूर्व विद्यार्थीहरूको सहयोगी भावनाको प्रशंसा गर्दै आर्थिक अवस्था मात्र नभई विद्यालयप्रतिको माया, जिम्मेवारी र सहयोग गर्ने मन महत्वपूर्ण हुने बताएका थिए । आफूले अध्ययन गरेको विद्यालयलाई सम्झेर गरिएको सहयोग प्रशंसनीय र अन्यका लागि प्रेरणादायी रहेको सहभागीहरूको भनाइ थियो ।

विद्यालयमा पूर्व विद्यार्थीहरूले गरेको योगदानको कदरस्वरूप प्रध्यानद्यापक गणेश दत्त पाैड्यालाई सम्मान समेत गरिएको थियो । आफूलाई गरिएको सम्मानबाट गौरवान्वित र हर्षित भएको प्रध्यानद्यापक पाैड्यालले प्रतिक्रिया दिएका छन् ।

नेपाल तथा विदेशमा रहेका सम्पूर्ण पूर्व विद्यार्थीहरूको योगदानप्रति धन्यवाद व्यक्त गर्दै विद्यालय समुदायले आगामी दिनमा पनि यस्ता सहयोग निरन्तर रहने अपेक्षा गरेको छ ।

बुधवार, जेठ १३ २०८३१०:२४:२७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।