आज बिहानैदेखि काठमाडौँका यी चार स्थानमा चलिरहेछ डोजर

मेगा खबर संवाददाता

१९, बैशाख २०८३

670

आज बिहानैदेखि काठमाडौँका यी चार स्थानमा चलिरहेछ डोजर

काठमाडौँ,सरकारले दोस्रो चरणमा सुकुमबासी तथा नदी क्षेत्र आसपासका बस्तीमा डोजर चलाइरहेको छ ।

सरकारले आज बिहानै देखि सुकुमबासी बस्ती र नदी आसपास क्षेत्रका बस्तीमा बाक्लो रुपमा प्रहरीको उपस्थितिमा डोजर चलाएको छ । शनिबार बिहान सुरुमा स्वयम्भू क्षेत्रबाट डोजर चलाएको थियो । त्यसपछि बालाजु र माछापोखरी क्षेत्रको अतिक्रमित बस्तीमा डोजर चलाईरहेको छ । त्यस्तै,अनामनगर धोवी खोला किनारको बस्तीमा पनि सरकारले डोजर चलाएको छ ।

शुक्रबार मात्रै सरकारले काठमाडौँका टेकु, शंखमुख, बल्खु, बंशीघाट क्षेत्रको सुकुमबासी बस्तीमा डोजर चलेको थियो । शुक्रवार बल्खुमा ४०१ (घर, टहरा र छाप्रो), बंशीघाटका १९३ र शंखमुलका १५० पक्की घरहरू भत्काएको थियो । बस्तीमा डोजर लागेपछि १ हजार ४१४ जना सरकारको सम्पर्कमा आएको प्रधानमन्त्रीको सचिवालयले जनाएको छ ।

यसअघि पहिलो चरणमा सरकारले थापाथली,गैरीगाउँ र मनोहरा लगायत क्षेत्रको सुकुमबासी बस्ती हटाएको थियो। सरकारले सुमुमबासी व्यवस्थापनका गर्न भन्दै अहिले बस्तीहरूमा डोजर चलाइरहेको छ ।

शनिवार, बैशाख १९ २०८३१२:४१:२०

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।