४५ यात्रु सवार थिए धादिङमा दुर्घटना भएको बसमा

मेगा खबर संवाददाता

११, फाल्गुण २०८२

529

४५ यात्रु सवार थिए धादिङमा दुर्घटना भएको बसमा

काठमाडौँ, धादिङमा बस दुर्घटना भएको बसमा ४५ यात्रु सवार रहेको खुलेको छ ।

पोखराबाट काठमाडौं आउँदै गरेको ग १ ख १४२१ नम्बरको बस गएराति साढे १ बजे धादिङको बेनीघाट रोराङ गाउँपालिका-५ भैँसीगौडास्थित पृथ्वी राजमार्ग सडक खण्डबाट त्रिशूली नदी किनारमा खसेको हो । माछापुच्छ्रे ट्राभल्सको उक्त बसमा ४५ यात्रु सवार रहेको खुलेको सशस्त्र प्रहरी बल नेपालका सह-प्रवक्ता डिएसपी शैलेन्द्र थापाले बताए ।

दुर्घटनामा १७ जनाको मृत्यु भएको छ भने २८ जना घाइते भएको डिएसपी थापाले बताए । घाइतेलाई स्थानीय ‍अस्पताल लगिएको छ भने अधिकांशलाई काठमाडौं पठाइएको छ ।

सशस्त्र प्रहरीका सहायक प्रवक्ता शैलेन्द्र थापाका अनुसार घाइते २८ जनाको सनाखत भएको छ । मृतकको सनाखत हुन बाँकी छ । घटनास्थलमा तीन वटै सुरक्षा निकायको समन्वयमा उद्धारको काम भइरहेको छ ।

सोमवार, फाल्गुण ११ २०८२०७:४५:२७

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।