घरसँगै जलेकी झलनाथ पत्नीको देब्रेहात काटियो

मेगा खबर संवाददाता

२, आश्विन २०८२

544

घरसँगै जलेकी झलनाथ पत्नीको देब्रेहात काटियो

काठमाडौं, जेनजीको आन्दोलनमा घर जल्दा जलेर घाइते पूर्वप्रधानमन्त्री झलनाथ खनालकी पत्नी रवीलक्ष्मी चित्रकारको देब्रेहात काटिएको छ ।

भदौ २४ गतेको जेनजी आन्दोलनकारीले घरमा आगोलागी गरेका थिए । घरसँगै जलेकी उनको अहिले काठमाडौंको कीर्तिपुरस्थित बर्न अस्पतालको आईसीयूमा गम्भीर अवस्थामा उपचार भइरहेको छ । उपचारकै क्रममा संक्रमण फैलिन थालेपछि उनको हात काटिएको खनालले बताए ।

बुधबार एउटा अप्रेसन भयो । संक्रमण बढ्न थाल्यो भनेर चिकित्सकले अप्रेसन गर्नुपर्छ भने,हामीले अप्रेसन गर्ने अनुमति दियौँ, उनले भने डाक्टरले मेडमको देब्रेहात काटे । देब्रेहात चाहिँ कुहिनोदेखि तल फाल्यो । उनी पहिलोपटक अपांग भइन् । उनले आज फेरि निमोनियाको संक्रमण पनि देखिएको जानकारी पाएको सुनाए । आज निमोनिया देखा पर्‍यो रे । यसले के गर्ने हो ? यसलाई केही गर्न सकिने होकि होइन रनभुल्ल परिरहेको छुु उनले थप भने ।

बिहिवार, आश्विन २ २०८२०४:४२:१२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।