ठमेलको दोहोरी साँझबाट फेरि पक्राउ परे गुन्डा नाइके ‘सानुभाइ’

मेगा खबर संवाददाता

१६, श्रावण २०८२

1.3K

ठमेलको दोहोरी साँझबाट फेरि पक्राउ परे गुन्डा नाइके ‘सानुभाइ’

काठमाडौं, गुन्डा नाइके सानुभाइ भनिने युवराज गुरुङ पक्राउ परेका छन् । काठमाडौँको ठमेलस्थित नगरकोट दोहोरी साँझबाट उनलाई पक्राउ गरिएको प्रहरीले जनाएको छ ।

गएराति ठमेलको नगरकोट दोहोरी साँझबाट उनीसहित केही व्यक्तिहरूलाई नियन्त्रणमा लिएको जिल्ला प्रहरी परिसर काठमाडौंका एसपी कुलदिप चन्दले जानकारी दिए । ‘दोहोरी साँझमा झैझगडा गरेको भनेर कन्ट्रोलमा खबर आएको थियो । हुलमुलमा नियन्त्रणमा लिँदा उनी पनि रहेको देखियो । अहिले अरूको स्क्रिनिङ भइरहेको छ,उनले भने.अहिले उनी पक्राउ परे पनि मुद्दा चल्नेनचल्नेबारे यकिन भइसकेको छैन ।

सानुभाइविरूद्ध पुराना कुनै मुद्दा बाँकी रहेनरहेको बारेमा पनि हेरिने उनले बताए । नुवाकोट घर भएका सानुभाइ यसअघि पनि पटक-पटक कुटपिटका घटनामा पक्राउ परेका थिए । २०८० माघ ६ गते पनि ठमेलको एक क्लबको पार्किङमा एक पुरूषमाथि उनको समूहले कुटपिट गरेको थियो । उनी त्यतिबेला फरार भएका थिए ।

त्यही साल असारमा पनि कुटपिटकै घटनामा पक्राउ परेका थिए। पछि उनी धरौटी बुझाएर छुटेका थिए ।

बिहिवार, श्रावण १६ २०८२०२:४२:२२

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।