गोसाइँकुण्डमा बेपत्ता युवक मृत भेटिए, स्थानीय श्रोतसाधनको प्रयोग गरेर निकालियो शव

मेगा खबर संवाददाता

१३, श्रावण २०८२

1.7K

गोसाइँकुण्डमा बेपत्ता युवक मृत भेटिए, स्थानीय श्रोतसाधनको प्रयोग गरेर निकालियो शव

काठमाडौं, रसुवाको गोसाइँकुण्डमा बेपत्ता भएका दुई युवकको शव फेला परेको छ ।

पौडी खेल्ने क्रममा आइतबार दुई युवक गोसाइँकुण्डमा बेपत्ता भएका हुन् । नेपाली सेनाले खोजी गर्ने क्रममा सोमबार बिहान उनीहरूको शव फेला परेको हो । कुण्डमा बेपत्ता भएका मोरङको विराटनगरका २८ वर्षीय सुजन ढकाल र मोरङको बेलवारीका मनोज न्यौपानेको शव भेटिएको सेनाले जनाएको छ ।

गहिरो ठाउँबाट स्नान गर्न कुण्डमा पसेका कारण उनीहरु डुबेको हुनसक्ने आँकलन गरिएको छ । बेपत्ताको खोजीका लागि नेपाली सेना श्रीनाथ गण,नेपाल प्रहरी र सशस्त्र प्रहरी बलका अधिकृत तथा जवानलाई आइतबार नै गोसाइँकुण्ड पुगेका थिए । नेपाली सेना,श्रीनाथ गणबाट खटिएको टोलीले स्थानीय श्रोत र साधनको प्रयोग गरी बेपत्ता युवकको खोजी गरेको थिए । ती युवकको शव कुण्डबाट निकालिएको र नेपाल प्रहरीलाई बुझाउने क्रममा रहेको सेनाले जनाएको ।

सोमवार, श्रावण १३ २०८२०१:१०:४०

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।