कोरोना संक्रमण अपडेट

थप २४ जनामा कोरोना संक्रमण, कोरोना संक्रमितको संख्या २ सय ४३ पुग्यो

मेगा खबर संवाददाता

३१, बैशाख २०७७

2.4K

थप २४ जनामा कोरोना संक्रमण, कोरोना संक्रमितको संख्या २ सय ४३ पुग्यो

बुधबार साँझ स्वास्थ्य तथा जनसंख्या मन्त्रालयले दिएको जानकारीअनुसार रुपन्देही, कपिलवस्तु, पर्सा र नवलपरासीमा कोरोना संक्रमित भेटिएका हुन् । यो सँगै कोरोना संक्रमितको संख्या २ सय ४३ पुगेको छ ।

स्वास्थ्य मन्त्रालयले दिएको जानकारीअनुसार रुपन्देहीमा नाै जना पुरुष र तीन महिलासहित १२ जना, कपिलवस्तुमा ८ पुरुष, पर्सामा दुई पुरुष र एक महिलासहित ३ जना र नवलपरासीमा १ जना पुरुषमा कोरोना संक्रमण फेला परेको मन्त्रालयका सहप्रवक्ता डा. समीरकुमार अधिकारीले जानकारी दिएका छन् ।

रुपन्देहीमा संक्रमित देखिएका पुरुषमा २२ वर्षका दुई जना, ३२ वर्षका दुई जना रहेका छन् भने अन्य २५, २८, ३० ३३ र ४१ वर्षका रहेका छन् । महिलामा चार र १० वर्षका बालिका र २८ वर्षकी एकजना रहेका छन् । कपिलवस्तुमा २२, २९, ३२, ४०, ४०, ४०, ४२ र ४२ वर्षका पुरुष रहेका छन् । पर्सामा ३६ र ७४ वर्षका दुई पुरुष र ३६ वर्षीया एक महिला छन् । नवलपरासीमा संक्रमित देखिएका ३६ वर्षीय पुरुष हुन् ।

बुधवार, बैशाख ३१ २०७७०३:२६:०१

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।