राष्ट्रिय अर्थतन्त्रको विकास अनिवार्य सर्त होः सञ्चारमन्त्री

मेगा खबर संवाददाता

२७, माघ २०८०

907

राष्ट्रिय अर्थतन्त्रको विकास अनिवार्य सर्त होः सञ्चारमन्त्री

काठमाडौं, माघ २७ गते, सञ्चार तथा सूचना प्रविधिमन्त्री रेखा शर्माले सुशासनलाई समृद्धिको आधार बनाउनुपर्ने बताएका छन् । नेपाल उद्योग व्यापार महासङ्घ बागमती प्रदेशको दोस्रो साधारण सभाको आज उद्घाटन गर्दै उनले सो कुरा बताएका हुन ।

सरकारी,निजीलगायत हरेक क्षेत्रमा सुशासनको आधार तयार गरेर मात्र आर्थिक समृद्धि हासिल गर्न सकिने उनको भनाइ छ । ‘हामीसँग स्रोत साधनको अभाव छ भन्ने कुरा साँचो नै हो,तर भएको स्रोत साधनको सही उपयोग नहुनु अझ ठुलो समस्याको रूपमा रहेको छ’ उनले भने,सरकारी क्षेत्रमा अनियमितता र चुहावटको ठुलो समस्या छ भने निजी क्षेत्र पनि करको दायरामा नआउने, सार्वजनिक सम्पत्तिको दुरुपयोग गर्ने लगायतका धेरै समस्या देखिने गरेको छ ।

यी समस्या समाधान गर्न सुशासनलाई समृद्धिको आधारको रूपमा स्थापित गर्नुपर्ने र त्यसका लाग सरकारले सुशासन र सामाजिक न्यायलाई समृद्ध राष्ट्र निर्माणको आधार बनाउन खोजेको उनले चर्चा गरे । हिजो निरंकुशतन्त्रले जनताका अधिकारहरू कुण्ठित भएको बेलामा राजनीतिक अधिकारको एजेण्डा प्रधान भएको उल्लेख गर्दै मन्त्री शर्माले त्यसका लागि आफूहरू सशस्त्र जनयुद्ध र शान्तिपूर्ण आन्दोलनमा सहभागी भएर आएको स्मरण गरे ।

अब फेरिएको राजनीतिक व्यवस्थालाई बलियो बनाउँदै समृद्धिको माध्यमबाट जनताको अवस्था बदल्ने एजेण्डा प्रमुख बन्न गएको उल्लेख गर्दै उनले थपे,अब जनताको अवस्था बदल्ने भनेको मूलतः आर्थिक आधार र जीवनस्तर बदल्ने नै हो । त्यसका लागि राष्ट्रिय अर्थतन्त्रको विकास अनिवार्य सर्त हो ।

शनिवार, माघ २७ २०८००२:३४:१८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।