अब नागरिकताको प्रतिलिपि जुनसुकै जिल्लाबाट लिन सकिने

मेगा खबर संवाददाता

१२, कार्तिक २०८३

379

अब नागरिकताको प्रतिलिपि जुनसुकै जिल्लाबाट लिन सकिने

काठमाडौं, अब नागरिकताको प्रतिलिपि लिन नागरिकता जारी भएकै जिल्लामा पुग्नुपर्ने बाध्यता हटेको छ । नेपाल नागरिकता (पाँचौँ संशोधन) नियमावली,२०८३ अनुसार नागरिकले देशका जुनसुकै जिल्ला प्रशासन कार्यालयबाट नागरिकताको प्रतिलिपि लिन सक्ने भएका छन् ।

नागरिकताको प्रमाणपत्र हराएमा,जलेर वा भिजेर नष्ट भएमा,च्यातिएमा वा अन्य कारणले प्रतिलिपि आवश्यक परेमा यो व्यवस्था लागू हुनेछ ।

काठमाडौं उपत्यकामा सेवाग्राहीको चाप व्यवस्थापन गर्न तीन जिल्ला प्रशासन कार्यालयबाट प्रदेशगत रूपमा सेवा प्रवाहको व्यवस्था मिलाइएको छ ।

जसअनुसार काठमाडौं जिल्ला प्रशासन कार्यालयबाट बागमती,गण्डकी र लुम्बिनी प्रदेशका नागरिकले सेवा लिन सक्नेछन् । ललितपुरबाट कर्णाली र सुदूरपश्चिम तथा भक्तपुरबाट कोशी र मधेश प्रदेशका नागरिकले सेवा पाउनेछन् ।

सम्बन्धित सूचना प्रणालीमा रहेका अभिलेख र जैविक विवरण मिलेको अवस्थामा प्रतिलिपि सहजै जारी गरिनेछ । तर, अभिलेख नमिलेमा,नाम,थर वा जन्ममितिलगायतका विवरण सच्याउनुपर्ने भएमा वा आवेदन शङ्कास्पद देखिएमा भने नागरिकता जारी भएको सम्बन्धित जिल्लामै सम्पर्क गर्नुपर्नेछ ।

गृह मन्त्रालयको परिपत्रअनुसार लागू गरिएको यस व्यवस्थाले नागरिकताको प्रतिलिपि लिन टाढाको जिल्ला धाउनुपर्ने बाध्यता कम गर्नुका साथै सेवा प्रवाहलाई सहज बनाउने अपेक्षा गरिएको छ ।

null

बुधवार, कार्तिक १२ २०८३१०:०१:०९

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।