काठमाडौँ, नेपाल औषधि लिमिटेडले २० प्रकारका औषधि उत्पादन गर्ने भएको छ । सरकारले निःशुल्क उपलब्ध गराउँदै आएको औषधिमध्ये २० प्रकारका औषधि उत्पादन गरी वितरण गर्ने योजना अघि बढाइएको लिमिटेडका महाप्रबन्धक कैलाशकुमार पनेरूले जानकारी दिए । 

यो उत्पादन थियो नेपाल औषधि लिमिटेडको । दर्जनौँ औषधि उत्पादन कम्पनी र विदेशका निजी कम्पनीहरूले औषधि बजारमा प्रभाव जमाइरहेको बेला गुणस्तरमा विश्वसनीयता जगाउन सक्नु चानचुने कुरा भने थिएन । अहिले भने नेपाल औषधि लिमिटेडले महत्त्वाकाङ्क्षी योजना अघि सारेको छ । हाल उत्पादन गरिरहेका औषधीका अतिरिक्त सरकारले जनतालाई निःशुल्क वितरण गर्नका लागि आवश्यक पर्ने औषधी लिमिटेडले आफैँ उत्पादन गर्ने अन्तिम तयारी सम्पन्न भएको छ ।

प्रधानमन्त्री प्रचण्ड’को निर्देशनपछि सरकारबाट उपलब्ध हुँदै आएको ९८ प्रकारका औषधिमध्ये २० प्रकारका औषधि लिमिटेडले उत्पादन गर्ने योजना बनाएको हो । स्वदेशमै उत्पादन गरेर लिमिटेडले सरकारलाई औषधि बिक्री गर्ने तयारी गरेको महाप्रबन्धक कैलाशकुमार पनेरुले जानकारी दिए । प्रधानमन्त्रीको निर्देशनसँगै आफूले व्यापारिक योजना तयार गरेर आवश्यक स्रोत जुटाउन लागि परेको बताए ।

औषधि लिमिटेडको उत्पादन क्षमता विस्तारका हाललाई २० प्रकारका औषधि उत्पादन र बिक्री वितरण गर्न अर्थ मन्त्रालय, स्वास्थ्य तथा जनसङ्ख्या मन्त्रालय र उद्योग, वाणिज्य तथा आपूर्ति मन्त्रालयबिच समझदारी गर्न सुझाव दिइएको थियो ।
त्यस्तै लिमिटेडको संस्थागत क्षमता अभिवृद्धि गरी दिगोरुपमा सञ्चालन सुनिश्चितताका लागि व्यावसायिक योजनासहित उद्योग मन्त्रालय र लिमिटेडबिच सम्झौता भनिएको छ । हालसम्म नेपाल सरकारबाट भएको ऋण लगानी र सोको ब्याजलाई पुँजीमा रूपान्तरण गर्ने र संस्थाबाट माग भएअनुसार क्षमता विस्तार गर्न आवश्यक रकम  रु.२४ करोड ७८ लाख १२ हजारभन्दा बढी रकम अर्थ मन्त्रालयले निकासा गर्ने भनिएको छ ।