देशका बिभिन्न स्थानमा मेघगर्जन र चट्टयाङसहित पानी

मेगा खबर संवाददाता

२९, भाद्र २०७७

2.2K

देशका बिभिन्न स्थानमा मेघगर्जन र चट्टयाङसहित पानी

काठमाडौं । सोमबार देशभर सामान्य बदली रही केही स्थानमा मेघगर्जन र चट्टयाङसहित पानी पर्ने सम्भावना रहेको छ । अहिले देशभर सामान्य बदली रही प्रदेश १, प्रदेश २, गण्डकी प्रदेश र प्रदेश ५ का केही स्थानमा हल्कादेखी मध्यम पानी परिरहेको छ ।

जल तथा मौसम विज्ञान विभागका अनुसार मनसुनको न्युन चापीय रेखा नेपाल भन्दा दक्षिण तर्फ रहेकोले देशका केही स्थानमा बदली भई पानी परिरहेको छ ।

आज दिउँसोपछि देशभर सामान्यतया बदली रहि केही स्थानमा मेघगर्जन र चट्टयाङसहित हल्का देखि मध्यम पानी पर्ने सम्भावना रहेको छ । भने प्रदेश १, प्रदेश २, वाग्मती प्रदेश, गण्डकी प्रदेश, प्रदेश ५ र सु.प प्रदेशमा ठुलो पानी पर्ने सम्भावना रहेको मौसम विभागले जनाएको छ ।

त्यस्तै आज राती पनि प्रदेश १, वाग्मती प्रदेश , गण्डकी प्रदेश , प्रदेश ५ मा ठुलो पानी पर्ने सम्भावना रहेको छ । देशका विभिन्न स्थानमा बदली रही नदीमा पानीको बहाव बढ्ने र पहाडी क्षेत्रमा पहिरो जान सक्ने भएकोले सतर्कता अपनाउन मौसम विभागले अनुरोध गरेको छ ।

सोमवार, भाद्र २९ २०७७०८:३६:००

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।