प्रहरीको लाठी चार्जबाट ट्रमा सेन्टरका चिकित्सक डा.जनिथलाल सिंह घाइते

युर्बसि पाैड्याल

२७, माघ २०७९

955

प्रहरीको लाठी चार्जबाट ट्रमा सेन्टरका चिकित्सक डा.जनिथलाल सिंह घाइते

काठमाडाै, माघ २७

प्रहरीको लाठी चार्जबाट ट्रमा सेन्टरका चिकित्सक जनिथलाल सिंह घाइते भएका छन् । शुक्रबार राष्ट्रपति सवारी भएको समयमा हिँडेको भन्दै प्रहरीले डाक्टर सिंहलाई कुटपिट गरेको हो ।

आज अपरान्ह राष्ट्रपति विद्यादेवी भण्डारीको सवारीको क्रममा सुरक्षामा खटिएका प्रहरीको लाठी चार्जबाट उनि घाइते भएका छन् । संघीय संसद्को संयुक्त सदनलाई सम्बोधन गरेर राष्ट्रपति फर्कने क्रममा वीर अस्पताल बाहिर हिँडिरहेका चिकित्सक सिंहलाई त्यहाँ सुरक्षामा खटिएका प्रहरीले लाठी चार्ज गरेका थिए ।

उनको टाउँकोमा चोट लागेको छ । बाटो खाली गराइएको बेलामा हिँडेको भन्दै प्रहरीले सिंहलाई कुटपिट गरेको हो । ट्रमा सेन्टर अगाडिको सडकमा सो घटनाको विरोधमा चिकित्सकले प्रदर्शन गर्ने क्रममा चिकित्सक र प्रहरीबीच भनाभन भएको थियो भने अतिव्यस्त सो सडक केहीबेर अवरुद्ध हुन पुगेको थियो । घटनाको विरोधमा त्यहाँका चिकित्सकहरूले प्रर्दशन गरिरहेका छन् । सडक पनि केहीबेर अवरूद्ध भएको थियो । डाक्टरको कार्ड देखाएर हिँड्न समेत नदिइएको उनीहरूले बताएका छन् ।

शुक्रवार, माघ २७ २०७९०८:४१:४९