हुलाकी राजमार्ग अन्तर्गतको कञ्चनपुर क्षेत्रमा भारतीय अवरोध कायमै

मेगा खबर संवाददाता

२५, भाद्र २०७७

2.4K

हुलाकी राजमार्ग अन्तर्गतको कञ्चनपुर क्षेत्रमा भारतीय अवरोध कायमै

कञ्चनपुर। हुलाकी सडकको कञ्चनपुर खण्डमा भारतीय पक्षले गरेको अवरोध कायमै रहेको छ । निर्माणाधिन हुलाकी सडकको क्षेत्र आफ्नो भूभाग भएको भन्दै भारतीय पक्षले विरोध गरेपछि उत्पन्न समस्या समाधान हुन नसकेको हो ।

बेलौरी क्षेत्रमा पर्ने १२ सय मिटरमा विवाद देखिएको कायमै छ । विगतको नक्सामा पनि क्षेत्र नेपालमै देखिएको र ग्रावेल सडक समेत निर्माण गरिएका कारण हुलाकी सडकको पनि डिपिआर तयार पारेर काम गर्न सुरु गरेको आयोजना कार्यालयका सूचना अधिकारी पदम बहादुर मडैले बताए ।

भारतीय पक्षले बेलौरी क्षेत्रमा सडक निर्माण गर्दा पटक पटक अवरोध सिर्जना गर्न थालेपछि जिल्ला प्रशासन कार्यालयले तत्काल सो क्षेत्रमा काम नगर्न निर्देशन दिएको मडैले बताए । उनका अनुसार अहिले त्यस विषयमा कुनै पनि जानकारी नआउँदा सो क्षेत्रमा काम पनि ठप्प छ ।

कञ्चनपुरका तत्कालीन प्रमुख जिल्ला जिल्ला अधिकारी नूरहरी खतिवडाले सो विवाद दुई देशको उच्च स्तरिय टोलीले अध्ययन गरेर समाधान गर्नुपर्ने भएका कारण तत्काल काम नगर्न निर्देशन दिएका थिए । अहिले उनको सरुवा भईसकेको छ । तर जिल्ला प्रशासन कार्यालय कञ्चनपुरका सूचना अधिकारी कृष्णानन्द जोशीले अब नयाँ प्रमुख जिल्ला अधिकारीसँग सो विषयमा छलफल हुने बताए ।

हुलाकी सडकमा भारतीय पक्षले अवरोध गरेपछि आयोजना कार्यालयले समेत सडक विभाग लगायत जिल्ला प्रशासनसंगै अन्य सरोकारवाला निकायलाई मौखिक तथा लिखित रुपमा नै जानकारी गराएको थियो ।

१२ सय मिटर क्षेत्रफलमा सडक निर्माणको काम ठप्प रहेपनि विवाद समाधानमा सम्बन्धित निकायले वेवास्ता गरिरहेका छन् । बेलौरीसंगै हुलाकी सडककै अन्य क्षेत्रमा समेत विभिन्न समस्याहरु देखा परेका छन् । यसले सडक निर्माणमा बाधा पुगिरहेको छ ।

बिहिवार, भाद्र २५ २०७७१०:०९:१५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।