सेनाद्वारा बदेलको मासुसहित दुई जना पक्राउ

मेगा खबर संवाददाता

२३, भाद्र २०७७

3.2K

सेनाद्वारा बदेलको मासुसहित दुई जना पक्राउ

महेन्द्रनगर। कञ्चनपुरको शुक्लाफाँटा राष्ट्रिय निकुञ्जबाट बदेल मारेर मासु घरमा लुकाइराखेको अवस्थामा नेपाली सेनाले भीमदत्तनगरपालिकाका दुई जनालाई मंगलबार नियन्त्रणमा लिएको छ ।

शुक्लाफाँटा निकुञ्ज सुरक्षार्थ खटिएको सेनाको देवीदल गण मझगाउँ ब्यारेकको टोलीले भीमदत्तनगरपािलका–१५ राधाकृष्ण टोलस्थित जनक भट्टको घरभित्र लगाएर राखिएको बदेलको ३७ किलोमासुसहित दुई जनालाई पक्राउ गरी निकुञ्ज प्रशासनको जिम्मा लगाएको हो ।

पक्राउ पर्नेमा ३७ बर्षीय जनक भट्ट र स्थानीय ३० बर्षीय टेकेन्द्र भट्ट रहेको देवीदल गणले जनाएको छ । बदेँललाई पासोमा पारेर मारेर मासु घरभित्रको भकारीमा लुकाएको अवस्थामा सेनाले फेला पारेको हो ।

सेनाले निकुञ्जबाट लकडाउनका बेला चोरीशिकारी हुनसक्ने सम्भावनालाई मध्यनजर गर्दै सुरक्षा सर्तकता बढाएको जनाएको छ । सेनाले लकडाउन अवधीमा चोरीशिकारीमा संलग्नहरुलाई नियन्त्रणमा लिई कारबाहीको दायरामा ल्याएको छ ।

मंगलवार, भाद्र २३ २०७७०२:२८:५८

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।