विन्दु भण्डारी प्रथम क्याम्पस प्रमुखको नाममा अक्षयकोष स्थापना

शान्ता आचार्य

२८, आश्विन २०७९

3.7K

काठमाडौं, बुढानीलकण्ठ नगरपालिका वडा नं १२ का स्थानीय व्याक्तित्व एबम् समाजसेवी प्रथम क्याम्पस प्रमुख विन्दु भण्डारीले बु न पा वडा नं १० स्थित कपन बहुमुखी क्याम्पसमा अक्षयकोष स्थापना गरेकि छन् ।

विन्दु भण्डारी प्रथम क्याम्पस प्रमुखको नाममा अक्षयकोष स्थापना गर्ने भन्दै उनले एक लाख एक हजार (रु। १,०१०००) रुपैँया हस्तान्तरण गरेका छन् ।

लामो समय देखि बुढानिलकण्ठ नगरपालिकाको कपन क्षेत्रमा राजनीतिक एबम् सामाजिक रुपमा सक्रिय रहेका उनि सरल स्वभाव अनि मिठो बोलि बचनका धनी भण्डारी स्थानीय समुदायमा लोकप्रिय छिन् । समाजमा रहेका दिन दुखि र पिडितहरुको सहयोगका लागि आफु सधै तत्पर रहेको उनि बताउँछिन् ।

क्याम्पसमा आर्थिक रुपमा कमजोर एबम बेसाहारा भाइबैनीहरु पढ्ने भएकाले उनीहरुको अध्ययनका लागि थोरै भएपनि सहयोग पुगोस भनेर आफुले अक्षयकोष स्थापना गरेको उनि बताउँछिन् । उक्त रकमको व्याजबाट प्राप्त रकम मार्फत छात्रवृति प्रदान गरिने क्याम्पसका प्रमुख भुमिदत्त पौडेलले जानकारी दिए । क्याम्पसका प्रथम क्याम्पस प्रमुख भण्डारीलाई छात्रवृत्ति अक्षयकोष स्थापना गरिदिएकोमा क्याम्पस परिवारले धन्यवाद समेत दिएका छन् ।

शुक्रवार, आश्विन २८ २०७९११:५३:२६