पहिरोको जोखिमका कारण विस्थापित भएका बलेफीका पीडितलाई राहत वितरण

मेगा खबर संवाददाता

१६, भाद्र २०७७

2.6K

पहिरोको जोखिमका कारण विस्थापित भएका बलेफीका पीडितलाई राहत वितरण

काठमाडौं । बाढी, पहिरोबाट विस्थापित भएका सिन्धुपाल्चोकका विस्थापितलाई राहत वितरण गरिएको छ । पहिरोको उच्च जोखिममा रहेर स्थानान्तरण गरिएका बलेफी १ खड्कागाउँका ३७ घरपरिवारलाई राहत वितरण गरिएको हो । सत्तारुरुढ दल नेपाल कम्युनिष्ट पार्टी (नेकपा) का स्थायी कमिटी सदस्यसमेत रहेका पूर्वमन्त्री अमृतकुमार बोहोरा, सांसद सरेश नेपाल, गाउँपालिका अध्यक्ष केदार क्षेत्री, उपाध्यक्ष कमला कायस्थ, वडा नं १ का अध्यक्ष मधु बहादुर थापा लगायतको उपस्थितिमा सोमबार रातह वितरण भएको हो ।

गाउँपालिका उपाध्यक्ष कमला कायस्थका अनुसार प्रतिपरिवार २५ केजी चामल, दुई किलो दाल, २ लिटर तेल, २ केजी चीनी, साबुल लगायत अत्यावशकिय खाद्यान्न सामाग्री वितरण गरिएको हो । देवयानी ईन्टरनेशनल नेपालको सहयोगमा प्राप्त भएको राहत सामाग्री वितरण भएको उनले मेगाखबरलाई बताइन् ।

विस्थापित परिवारलाई राहत वितरण गर्दै पूर्वमन्त्री बोहोराले प्राकृतिक प्रकोपबाट दीर्घकालिन समाधानका लागि ध्यान दिनपर्ने बताए । साथै, जनताको जीउ धनको सुरक्षाका लागि सरकारको ध्यानाकर्षण पनि गराए । विस्थापितलाई राहत वितरण गर्दै बागमती प्रदेशका सांसद सरेश नेपालले बाढी पहिरो जस्ता प्रकोपबाट सिन्धुपाल्चोकले बर्षेनी ठूलो मानविय क्षती व्यहोर्नुपरेको स्मरण गर्दै असुरक्षित स्थानका बसाइँ परिवर्तन र जनचेतना उठाउनुपर्नेमा जोड दिए ।

पहिरोबाट बस्ती जोखिममा परेपछि बलेफी गाउँपालिकाले जग्गा भाडामै लिएर ३७ घर परिवारलाई अस्थायी टहरा, ईन्धन र खाद्यान्न व्यवस्था गरिदिएको छ । जोखिमका जनतालाई पहिलो चरणमा सवै खालका राहत सामाग्री पुर्याइएको बलेफी गाउँपालिकाका अध्यक्ष केदार क्षेत्रीले बताए ।

बस्ती जोखिममा परेको समाचार मेगाखबरले यसअघि पनि प्रकाशित गरिरहेकाे छ ।

हेर्नुस् समाचार लिकंः

बलेफी–१ को ३५ भन्दा बढी घर पहिरोको उच्च जोखिममा

पहिरोको उच्च जोखिममा रहेका बलेफी–१ खडकागाउँका २५ घरधुरी स्थानान्तरण

मंगलवार, भाद्र १६ २०७७१०:१६:४५

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।