नयाँ बसपार्क क्षेत्रका होटलहरुमा सिसी क्यामेरा अनिवार्य जडान गर्नुपर्ने

मेगा खबर संवाददाता

९, आश्विन २०७९

2.2K

नयाँ बसपार्क क्षेत्रका होटलहरुमा सिसी क्यामेरा अनिवार्य जडान गर्नुपर्ने

काठमाडाैँ,

नयाँ बसपार्क क्षेत्रका होटलहरुमा अनिवार्य रूपमा सिसी क्यामेरा जडान गर्नुपर्ने भएको छ ।

नेपाली होटल व्यवसायी सङ्घले होटल क्षेत्रको सुरक्षा र होटलमा हुनसक्ने विभिन्न खालका आपराधिक क्रियाकलाप रोक्न अनिवार्य रूपमा सिसी क्यामेरा जडान गर्नुपर्ने बताए । सङ्घका अध्यक्ष गणेश ढकालले सङ्घभित्र आवद्ध होटलहरुको निरन्तर अनुगमन गरी व्यवसाय सञ्चालन गर्दा अपनाउनुपर्ने सतर्कताका बारेमा जानकारी दिँदै अनिवार्य रूपमा सिसी क्यामेरा जडान गर्न निर्देशन दिइएको बताए ।

वडा कार्यालय र अन्य ठाउँमा दर्ता नभएका होटललाई दर्ता गर्न लगाई मर्यादित ढङ्गले सञ्चालन गर्न आग्रह गरिएको छ । कानुनले नदिएका अनैतिक क्रियाकलापलाई रोक्नका लागि होटलमा आउने पाहुनाको अनिवार्य रूपमा रेकर्ड राक्नुपर्ने भएको छ ।

होटल व्यवसायीको हक, हित र अधिकारका लागि लड्ने उद्देश्यले विसं २०५७ मा स्थापना भएको सङ्घमा हाल नयाँ बसपार्क, सुन्धारा, बाँसवारीलगायतका क्षेत्रका चार सयभन्दा बढी होटल व्यवसायीहरु आवद्ध रहेका छन् ।

आइतवार, आश्विन ९ २०७९०१:३६:०६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।