नक्कली ‘युरेनियम’ देखाएर २ करोड ठग्न खोजेको आरोपमा युवक पक्राउ

विनोद भट्टराई

१६, मंसिर २०७८

3.1K

नक्कली ‘युरेनियम’ देखाएर २ करोड ठग्न खोजेको आरोपमा युवक पक्राउ

महानगरीय अपराध महाशाखाले नक्कली ‘युरेनियम’ देखाएर ठग्न खोजेको आरोपमा ३ जना युवकलाई पक्राउ गरेको छ ।

१२ सय ग्रामको दुईवटा ढुंगाजस्तो देखिने वस्तु देखाएर उनीहरुले ठग्न खोजेको अपराध महाशाखाका एसपी कृष्ण पंगेनीले बताए ।नुवाकोटको विदुर नगरपालिका–६ घर भएका ३१ वर्षीय प्रदिप घिमिरे,राजेन्द्र परियार र काठमाडौंको तारकेश्वर नगरपालिका स्थित फुटुङ घर भएका २६ वर्षीय रञ्जित कार्की बालाजुबाट पक्राउ परेका छन् ।

आरोपीहरुले युरेनियम भनेर ढुंगालाई २ करोडमा बेच्न लागेको सुराक पाएपछि प्रहरीले पिछा गरेको थियो । उनीहरुको साथबाट कालो र सेतो मिसिएको १२ सय ग्रामको ढुंगा बरामद गरिएको एसपी पंगेनीले बताए । आरोपीहरुमाथि महाशाखाले अनुसन्धान गरिरहेको छ ।

बिहिवार, मंसिर १६ २०७८१२:१८:३९