काठमाडौं । सिन्धुपाल्चोकको बाह्रविसे नगरपालिकाले एउटै सूचना दुईपटक प्रकाशित गरेको छ । नगरपालिकाकी उपप्रमुख शुशीला पाख्रीनद्वारा जारी दुई वटा विज्ञप्तिमा गल्ती भएपछि दुईवटै गल्ती भेटिएका छन् ।

नगरपालिका वडा नं ४ निवासी वर्ष ८४ का एक पुरुषको गत २२ श्रावणमा काठमाडौं स्थित मनमोहन कार्डियो भाष्कुलर एण्ड ट्रान्सप्लान्ट सेन्टरमा उपचारको क्रममा मृत्यु भएको थियो । तर, नगरपालिकाले सुरुमा निकालेको सूचनामा भने अषाढ २३ मै मृत्यु भएको जनाउँदै सूचना प्रकाशित गर्यो ।

नगरपालिका कार्यलयबाटै जारी सूचनामा गल्ती भेटिएको हो ।

पहिलो सूचना

गल्ती भेटिएपछि नगरपालिकाले पुनः अर्को सूचना निकाल्यो फेरि अर्को गल्ती गरेर प्रकाशित भएको छ ।

नगरपालिकाले पहिलो पटक निकालेको सूचनामा चलानी नम्बर राखिएको छ । तर, अन्तिममा जारी गरिएको विज्ञप्तिमा भने चलानी नम्बर राखिएको छैन् ।

१६४ नं चलानी नम्बर दिइएर जारी गरिएको उक्त सूचनामा बिरामीको मृत्यु भएको मिति र कोरोना पुष्टि भएको एक महिनाअघिको अर्था २३ र २७ अषाढ राखिएको छ । नगरपालिकाले पहिलो सूचना सच्याएर अर्को जारी गर्दा पुनः गल्ती दोहोर्याएको हो ।

दाेस्राे सूचना

मिति फरक भएपछि गलत सूचना पुगेको भन्दै सामाजिक सञ्जालमा विरोध सुरु भएको छ ।

सोही सूचनामार्फत नगरपालिकाको वडा नं २ पूर्वको कर्थली बुदेपा, उत्तरपट्टि वडा नं ३ को खाक्दल खोला, पश्चिम वडा नं ९ को राम्चे बजार क्षेत्र र दक्षिण तर्फशारदा मावि क्षेत्र र सुनकोशी बजारको सीमाना सम्मको चार किल्ला भित्र सिल गर्ने निर्णय गरेको छ ।

नगरपालिकाकी उपप्रमुख शुशीला पाख्रीनले एक सूचना जारी गर्दै उक्त क्षेत्रभित्र मानिसहरु आवत जावत गर्न, सवारी साधन चलाउन पूर्ण रुपमा निषेध गरी व्यापार, व्यवसाय लगायतका अन्य क्रियाकलाप बन्द गरी शिल गर्ने निर्णय भएको जनाएकी छिन् ।

जारी विज्ञप्तिमा भनिएको छ,‘बाह्रविसे नगरपालिका वडा नं ४ निवासी वर्ष ८४ का एक पुरुषको गत अषाढ २३ गतेका दिन काठमाडौं स्थित मनमोहन कार्डियो भाष्कुलर एण्ड ट्रान्सप्लान्ट सेन्टरमा उपचारको क्रममा मृत्यु भएको हुँदा आज अषाढ २७ गते कोरोना भाइरस को पिसिआर रिपोर्ट पोजेटिभ आएको हुँदा यस नगरपालिकाको वडा नं २ पूर्वको कर्थली बुदेपा, उत्तरपट्टि वडा नं ३ को खाक्दल खोला, पश्चिम वडा नं ९ को राम्चे बजार क्षेत्र र दक्षिण तर्फशारदा मावि क्षेत्र र सुनकोशी बजारको सीमाना सम्मको चार किल्ला भित्र मानिसहरु आवत जावत गर्न, सवारी साधन चलाउन पूर्ण रुपमा निषेध गरी व्यापार, व्यवसाय लगायतका अन्य क्रियाकलाप बन्द गरी शिल गर्ने निर्णय गरिएको हुँदा अर्को सूचना प्रकाशित नहुँदासम्म त्यस दिन दाहसंस्कारमा सामेल हुनु भएका, भेटघाटको क्रममा जानु भएका र त्यस क्षेत्रका सम्पूर्ण नगरवासी आमाबुबा, दाजुभाई, दिदिबहिनीहरु सबै आ–आफ्नो घरमै क्वारेन्टाईनमा बसी सहयोग गरिदिनुहुन हार्दिक अनुरोध गरिन्छ ।’