ढलको पानी बाटोमा,स्थानिय बासिन्दा तनावमा

शान्ता आचार्य

४, कार्तिक २०७८

1.8K

ढलको पानी बाटोमा,स्थानिय बासिन्दा तनावमा

काठमाडौं बुढानिलकण्ठ नगरपालिका वडा नं ११ प्रगति चोकमा लामो समय अगाडि देखि ढलको पानी बाटोमा छर्पस्ट बगिरहेकोले स्थानिय बासिन्दा तनावमा छन् ।

कपन पैंयुटार ओरालोदेखि प्रगति चोकसम्मकाे मुख्य सडक बिगत ३ महिना देखि ढलको पानी बाटोमा छर्पस्ट बगिरहेको छ । यहि बाटाे भएर दैनिक कयाैँ गाडी तथा माेटरसाइकल चल्छन् भने हजाराै मानिस पैदलयात्रा गर्छन् ।

यस्तो गुनासो मेगाखबरमा पनि आएकोले हामीले जनप्रतिनिधि सङ सम्पर्क गरेका छौ । सडक को दायाँबायाँको नाली बन्द भएको कारण यो समस्या आएको र दसैको बिदामा काम गर्न सकिएन तर आजैबाट यो समस्या समाधानको लागी काम सुरु गर्ने वडा सदस्य बिमल तामाङले बताए ।

No description available.

पटक -पटक जानकारी गराउदा पनि स्थानिय निकायले बेवास्ता गरेको भन्दै रोसन बाबू बुढाथोकी सामाजिक संजालमा यस्तो लेखेका छन " मुल सडकमा यसरी ढल बगिरहँदा सम्बन्धित वडा कार्यालयदेखि कुनै पनि निकाय भने पूर्णतः माैन छ । स्थानीय यसो हेर्दा लाग्छ, यो ठाउँमा स्थानीय जनप्रतिनिधि वा सरकार छैन । यो भेगमा राजनीतिकर्मी, स्थानीय नभएको जस्तो लाग्छ । भोलि-पर्सी स्थानीयहरुलाई यहि कारणले गर्दा रोग लाग्न सक्छ । जनताको भोटको राम्रो काममा सदुपयोग गर्दिनुस स्थानीय सरकार ! यहाँको स्थानीयको ध्यान बेलैमा जाओस"

No description available.