ओम्नी समुहलाई ठेक्का नपर्दा जनक शिक्षाको कागज खरिदको बोलपत्र रद्द

मेगा खबर संवाददाता

२४, श्रावण २०७७

1.5K

ओम्नी समुहलाई ठेक्का नपर्दा जनक शिक्षाको कागज खरिदको बोलपत्र रद्द

काठमाडौं। जनक शिक्षा सामग्री केन्द्र लिमिटेडले कागज खरिदको ठेक्का विवादस्पद ओम्नी ग्रुपले नपाउने भएपछि रद्द गरेको छ । जनक शिक्षा केन्द्र स्रोतका अनुसार ठेक्का रद्द गर्न माथिल्लो निकायबाट दबाब आएपछि बोलपत्र आह्वान रद्द भएको सूचना निकाल्न परेको हो ।

जनक शिक्षा सामग्री केन्द्र लिमिटेडको कागज खरिदमा आर्थिक वर्ष २०७६र०७७ मा पनि ओम्नी ग्रुप कम्पनीले ठेक्का पाए पनि सम्झौता अनुसार कागज बुझाउन ढिलाई गरेको थियो । समयमा कागज बुझाउन अटेर गरेपछि पुन म्याद थप पछि मात्रै कागज बुझाएको थियो । केन्द्रका एक अधिकारीका अनुसार गत वर्ष ओम्नीले कमसल खालको कागज बुझाएका थिए । अहिले ठेक्का पाउने लिष्टमै ओम्नीको नाम प्राविधक हिसावले पनि उपयुक्त देखिएको थिएन ।

जनक शिक्षा लिमिटेडले सात हजार मेट्रिकटन कागज खरिदका लागि दुई वटा बोलपत्र आह्वान गरेको थियो । सो आह्वान बमोजिम ‌ओम्नी समुहले पनि ठेक्का हालेपनि प्राविधिक मुल्याङ्कनमा सबै भन्दा कम देखिएपछि रद्द गर्न भूमिका खेलेको हो । जनक शिक्षाले सरकारको दबाबका कारण साउन २२ मा ठेक्का प्रक्रिया रद्द भएको सूचना प्रकाशित गरेको हो । कागज खरिदका लागि पुन अर्को बोलपत्र आह्वान भएको छ ।

शनिवार, श्रावण २४ २०७७०९:३७:२४

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।