बाढीपहिरो अपडेट : मृतक ५५ पुग्यो, ५३ अझै बेपत्ता

मेगा खबर संवाददाता

२७, आषाढ २०७७

2.1K

बाढीपहिरो अपडेट : मृतक ५५ पुग्यो, ५३ अझै बेपत्ता

काठमाडौं । केही दिनयता मुलुकको विभिन्न ठाउँमा गएको पहिरोमा जीवन गुमाउनेको संख्या ५५ पुगेको छ । पहिरोमा अझै ५३ जना बेपत्ता छन् । पहिरोले म्याग्दीमा बढीको ज्यान भएको छ ।

म्याग्दीको धवलागिरी, रघुगङ्गा र मालिका गाउँपालिकाम पहिरो परेकाहरु मध्ये १७ जनाको शव भेटिएको छ । बिहीबार राति गएको पहिरोमा ३३ जना बेपत्ता भएका थिए । त्यसमध्ये शनिबार बिहानसम्म १७ जनाको शव फेला परेको हो । पहिराेमा १६ जना अझै बेपत्ता रहेको प्रमुख जिल्ला अधिकारी ज्ञानप्रसाद ढकालले जानकारी दिनुभएको छ । प्रमुख जिल्ला अधिकारी ढकालका अनुसार बेपत्ताहरुको खोजी कार्य अझै जारी छ ।

कास्कीको पोखरा महानगरपालिका, सराङकोट, हेम्पा र पैतेडाँडामा पहिरो तथा बाढीको कारण ७ जनाले जीवन गुमाएको गृहमन्त्रालयले जनाएको छ । मन्त्रालयका अनुसार पहिरोको कारण लमजुङको बेसीशहर नगरपालिको वडा नम्बर ७ स्थित सातबिसेमा ३ जना र पश्चिम रुकुमको आठकिसको नगरपालिका– ३ स्थित रन्जेखोलामा २ जनाको मृत्यु भएको छ ।

जाजरकोटको व्यारेकोट गाउँपालिका ४ जिरीमा पहिरोले ७ जनाको मृत्यु भएको छ । त्यहाँ अझै १५ जना बेपत्ता छन् । बझाङमा पहिरोमा परी ६ जनाको मृत्यु भएको छ, १ जना बेपत्ता भएका छन् । गुल्मीको इस्मा गाउँपालिका–१ र मुसिकोट नगरपालिका–२ मा पहिरोमा परी २ जनाको मृत्यु भएको मन्त्रालयले जनाएको छ । पर्वतको कुश्मा नरपालिकाको दुर्लुङमा पहिरोमा परी ९ जनाले जीवन गुमाएका छन् ।
सार पहिरोको कारण जीवन गुमाउनेको संख्या

त्यस्तै सिन्धुपाल्चोक बा्रहबिसेमा बुधबार राति गएको पहिरोमा हराएहरु २० जना अझै बेपत्ता छन् । पहिरोमा २ जनाको शव भेटिएको थियो । पहिरोमा ५ जना घाइते भएका छन् ।

शनिवार, आषाढ २७ २०७७०४:१०:३६

मेगा खबर संवाददाता

मेगा खबर डट कम मेगा सञ्चार प्रा.लि.द्वारा सञ्चालित नेपाली भाषाको सम्पूर्ण अनलाइन समाचार पोर्टल हो । हामी सत्य, तथ्य र निश्पक्ष पत्रकारिताको मूल्य र मान्यतामा रहेर समाचार, शिक्षा, स्वास्थ्य, खेलकुद, मनोरञ्जन, साहित्य, कला, विकास निर्माण लगायत क्षेत्रको यथार्थ चित्रण उतार्ने प्रयासमा सदैव लागि रहने प्रण गर्दर्छौँ ।